ჰოლანდიურ როტერდამში 16 აგვისტოს 1995-1996 წლებში დაბადებულ მოკრივეთა ევროპის პირველობის ნახევარფინალური შეხვედრები გაიმართა. საქართველოს ნაკრებს (მთავარი მწვრთნელი კუკური შავგულიძე) ამ დროისთვის რინგზე მხოლოდ ორი წარმომადგენელი შემორჩა, რომლებმაც მეოთხედფინალური პაექრობების მოგების შემდეგ ბრინჯაოს მედლები დაიბევეს.
49 კილოგრამ წონით კატეგორიაში ფოთელი დათო ნანავა ბულგარელ ზდრავკო მინაილოვთან დამარცხდა და წინა დღით მოპოვებულ მესამე ადგილს დასჯერდა.
ასევე, მესამეზე გავიდა იტალიელი ანტონიო მაზილი, რომელსაც უკრაინელმა დმიტრო ზამოტაიევმა აჯობა.
69 კილოგრამ წონით კატეგორიაში 16 ფინალში გასასვლელად იბრძო
დანარჩენ წონებში ქართველთაგან იასპარეზეს ზაურ ხურციძემ (ქუთაისი, 56), ალეკო ლურსმანაშვილმა (გორი, 60), ჯემალ შალამბერიძემ (ქუთაისი, 64), ირაკლი ქათამაძემ (ქუთაისი, 75), გიორგი გიორგაძემ (ქუთაისი, 81), გიორგი ურჯუმელაშვილმა (გორი, 91) და დემურ მაჭარაშვილმა (რუსთავი, +91), რომლებიც კვარცხლბეკს ვერ შესწვდნენ.
ყოველდღიური სპორტული გაზეთი "ლელო"
