ერთი საინტერესო ბრძოლა გაიმართა გასულ უქმეებზე პროფესიულ კრივში. ბრუკლინის Barclays Center-ში თამაშდებოდა ნახევრადსაშუალო წონაში NABF-ის ვერსიით ჩემპიონის ვაკანტური ტიტული, გარდა ამისა, ეს იყო ბრძოლა ბრუკლინის უძლიერესი მოკრივის არაოფიციალური სტატუსის მოსაპოვებლად.რინგზე ერთმანეთის პირისპირ წარსდგნენ პირველ ნახევრადსაშუალო და ნახევრადსაშუალო წონებში მსოფლიოს ყოფილი ჩემპიონი, 32 წლის ამერიკელი პოლ მალინიაჯი (33-5, 7 KO) და ამავე წონით კატეგორიებში ექს-ჩემპიონი, 36 წლის ამერიკელი ზაბ ჯუდა (42-9, 29 KO).
ბრძოლა მხოლოდ საწყის რაუნდებში იყო საინტერესო, შემდეგ კი რინგზე "ცალკარა" ჩხუბი მიდიოდა. პირველი სამწუთეული აშკარად ჯუდამ მოიგო,
ბუნებრივია, ბრძოლისადმი ასეთი მიდგომა ჯუდას კარგს არაფერს უქადდა და, საბოლოოდ, ეს აისახა კიდეც მსაჯების ჩანაწერებში: 116:111, 117:110, 117:110 მალინიაჯის სასარგებლოდ. გამარჯვებულმა მოკრივემ მაშინვე გამოაცხადა ახალი მიზანი - შეხვედრა ედრიენ ბრონერსა და მარკოს მაიდანას შორის მოგებულთან. ამ მოკრივეთა ბრძოლა 14 დეკემბერს გაიმართება.
ყოველდღიური სპორტული გაზეთი "ლელო"
ასევე იხილეთ:
კლიჩკოს ავსტრალიელი ტაისონი დაუნიშნეს
