ამ დღეებში პრაღაში მიმდინარეობს ევროპის ჩემპიონატი დარბაზებისთვის და კვლავ ადასტურებს ახალ სეზონში თავის კარგ ფორმას ფრანგი ჭოკით მხტომელი რენო ლავილენი. მან ჩეხეთის დედაქალაქში წლის საუკეთესო შედეგი აჩვენა, როცა მეორე ცდიდან აიღო 6 მეტრი და 4 სანტიმეტრი სიმაღლე. ეს ნახტომი ფრანგმა უკვე ევროპის ჩემპიონის რანგში შეასრულა.ტიტული რენომ ორი ცდის შემდეგ გაინაღდა. ჯერ 5 მეტრი და 75 სანტიმეტრი დაძლია, შემდეგ - 5 მეტრი და 90 სანტიმეტრი და ეს საკმარისი აღმოჩნდა გამარჯვებისთვის. ყველაზე ახლოს ფრანგთან რუსი ალექსანდრ გრიპიჩი აღმოჩნდა, რომლის საბოლოო შედეგი
მას შემდეგ, რაც შეჯიბრება დასრულებული იყო, ლავილენიმ 6 მეტრი და 4 სანტიმერი შეუკვეთა და ის მეორე ცდაზე დაძლია, შემდეგ კი სამჯერ მიიტანა იერიში მსოფლიოს რეკორდზე (6.17 მეტრი), მაგრამ ეს სიმაღლე ვერ აიღო.
ყოველდღიური სპორტული გაზეთი "ლელო"
