31 ივლისს ლონდონის 2012 წლის ოლიმპიადაზე მშვილდოსნობაში რამდენიმე შეხვედრა გაიმართა, სადაც ჩვენმა წარმომადგენელმა ქრისტინე ესებუამ 1/32-ფინალური ეტაპი წარმატებით დაძლია.მისი მეტოქე 2011 წლის მსოფლიოს ჩემპიონი ჩილელი დენისე ვან ლამოენი გახლდათ. ჩვენებურმა ჩილელ სპორტსმენს სამივე სეტში აჯობა - 28:22, 28:26, 26:25 და მშრალი ანგარიშით 6:0 მოუგო!
ჩვენებურის შემდეგი მეტოქე სამხრეთ კორეის წარმომადგენელი სუნგ ჯინ ლეე იქნება. შეხვედრა, სავარაუდოდ, რამდენიმე წუთში დაიწყება.
კორეელი სუნგ ჯინ ლეე მსოფლიოს ორგზის ჩემპიონი და ოლიმპიური ოქრო-ვერცხლის მფლობელია.
კორეელის გავლის შემთხვევაში ქრისტინეს სავარაუდო მეტოქედ ბრიტანელი ოლიმპიური მედალოსანი,
ერთი სიტყვით, ესებუას წარმატების მისაღწევად მუდმივი ბრძოლა მართებს. ვიქონიოთ იმედი, რადგან მას მსოფლიოზეც ასეთივე ხვედრი ერგო - იქ 39-ე ადგილიდან დაიწყო პლეი ოფი და ფინალში გავიდა. გზად კი სამხრეთ და ჩრდილოკორეელი, ჩინელი, ინდოელი, ბრიტანელი ჩუბინები დაამარცხა.
ასევე იხილეთ:
ქრისტინე ესებუამ ჩემპიონებს დაუმიზნა
