კიკ-ბოქსინგში მსოფლიო ჩემპიონი გიგა ჭიკაძე მორიგი ბრძოლისთვის ემზადება. ჭიკაძე სპორტის ამ სახეობის უმაღლეს ლიგაში, Glory 43-ზე იასპარეზებს. ორთაბრძოლა ნიუ-იორკში, ყველაზე პრესტიჟულ დარბაზ Madison Square Garden-ში გაიმართება.
გიგას პირველი მეტოქე რუსი სპორტსმენი ალექსეი ულიანოვი იქნება. ამ ტურნირში გამარჯვებული გლორის ტიტულის მოსაპოვებლად ჩემპიონ რობინ ვან როზმალენს შეხვდება. ბრძოლა 14 ივლისს გაიმართება.
Glory-მ ქართველ ჩემპიონზე არაერთი სიუჟეტი მოამზადა.
გიგა ჭიკაძე კარიერას ამერიკაში განაგრძობს. ცხოვრობს ლოს-ანჯელესში. ის კლუბ King MMA-ს წევრია.
მისი პერსონალური მწვრთნელი რაფაელ კორდეირო 2016 წელს გამართულ დაჯილდოებაზე წლის საუკეთესო მწვრთნელად დასახელდა.
- კიკბოქსიორმა გიგა ჭიკაძემ მეტოქე ქრის მაუზერი 2:20 წუთში დაანოკაუტა [VIDEO]
- კიკ-ბოქსიორმა გიგა ჭიკაძემ კევინ ვან-ნოსტრანდი გალახა და მსოფლიო ჩემპიონი გამოიწვია [VIDEO]
