ამას წინათ რუსეთის დედაქალაქში მხატვრულ ტანმოვარჯიშეთა საერთაშორისო ტურნირზე ("მოსკოვის გრან პრი 2012") შესანიშნავად იასპარეზეს საქართველოს ახალგაზრდული ნაკრების წევრებმა - სალომე ფაჟავამ და გაბრიელა ხვედელიძემ, რომლებმაც 28 ქვეყნის წარმომადგენლებს შორის გუნდური მე-3 ადგილი დაიკავეს.ქართველი სპორტსმენები ამჟამად დუშეთის ოლიმპიური მზადების ცენტრში გადიან წვრთნას ევროპის პირველობისთვის, ამ შეჯიბრებას კი 1-3 ივნისს რუსული ნიჟნი-ნოვგოროდი უმასპინძლებს.
გუშინ დუშეთის ოლიმპიურ ბაზაზე ახალგაზრდა ტანმოვარჯიშეები სპორტის სამინისტროს აპარატის უფროსმა ირაკლი სამყურაშვილმა და ტანვარჯიშულ სახეობათა ეროვნული ფედერაციის პრეზიდენტმა მერაბ ჩიქობავამ მოინახულეს და მათს წვრთნასაც დაესწრნენ.
ყოველდღიური სპორტული გაზეთი
