წყალში ხტომის ტურნირზე დასრულდა სინქრონული ხტომები და ერთდღიანი შესვენება გამოცხადდა.ბოლო მედალი, რომელიც აკვატიკ-ცენტრში გათამაშდა, მამაკაცებისა იყო - 3-მეტრიანი ტრამპლინიდან სინქრონული ხტომები. ისევე, როგორც წინა სამ დისციპლინაში, განსაკუთრებული ბრძოლა არც აქ ყოფილა - ჩინელებმა იუტონ ლუომ და კაი კინმა თავიდანვე ერთიმეორეზე ულამაზესი ნახტომების შესრულება დაიწყეს.
ექვსი ცდიდან მხოლოდ ორში ვერ შეძლეს მათ საუკეთესო ნახტომის შემოთავაზება: მეოთხეზე მექსიკელებმა აჯობეს, მეექვსეზე - რუსებმა.
ჩინელთა მეხუთე ნახტომი ნამდვილი შედევრი იყო და იმდენად აღაფრთოვანა პუბლიკა და მსაჯები, რომ ტაბლოსკენ გახედვა საჭირო არ იყო (იქ
როგორც გითხარით, მეექვსე ცდაზე ყველაზე მაღალი შეფასება რუსებმა - კუზნეცოვმა და ზახაროვმა დაიმსახურეს, რისი წყალობითაც ამერიკას გაასწრეს და ვერცხლის მედალი მოიპოვეს. აშშ-ს ბრინჯაოთი დაკმაყოფილება მოუწია.
წყალში ხტომაში კიდევ ოთხი მედალია გასათამაშებელი და ჩინელები პეკინის შედეგს უმიზნებენ - რვა შესაძლებლიდან რვა ოქრო.
ყოველდღიური სპორტული გაზეთი "ლელო"
