საქართველოს ტყვიის მსროლელთა ნაკრები გუშინ ჰოლანდიურ არნემში გაფრინდა, სადაც დღეიდან 8 მარტის ჩათვლით, ევროპის ჩემპიონატი იმართება პნევმატური პისტოლეტიდან სროლაში. ამ ტურნირში უფროსთა შორის ქალებსა და ვაჟებში თითო მონაწილე გვეყოლება - ევროპის სამგზის, მსოფლიოსა და ოლიმპიური ჩემპიონი ნინო სალუქვაძე და ლევან ქადაგიძე. გაცილებით უფრო დიდი წარმომადგენლობა გვეყოლება ახალგაზრდებში. გოგოებში ჩვენი ორი მსროლელი იასპარეზებს - ლიზი კილაძე და მარიამ მაღრაძე, ბიჭებში კი სრულად დაკომპლექტებული გუნდით გამოვალთ: ცოტნე მაჭავარიანი, ვლადიმერ მაიოროვი და აკაკი მოსულიშვილი.
ჩვენი ნაკრები ამ შეჯიბრებისთვის ერევანში მოემზადა, სადაც ორკვირიანი შეკრება
საბოლოოდ ვითარება მეტ-ნაკლებად კი მოწესრიგდა, თუმცა არა ბოლომდე და მისი გავლენა ჩვენს ლიდერს ახლაც ეტყობა. ერევანში იმ ორკვირიან პერიოდში მან მხოლოდ ოთხი დღე ივარჯიშა - ორი ჩასვლისას და ამდენივე - წამოსვლის წინ, დანარჩენი კი მკურნალობასა და ექიმებში გაატარა. ფაქტია, ის არნემში საუკეთესო ფორმაში ვერ იქნება.
ევროპის ჩემპიონატზე დღეს ოფიციალური ვარჯიშის დღეა, ხვალ კი შეჯიბრება იწყება. ტურნირში ჩვენგან პირველები ბიჭების სამეული ჩაებმება. ვნახოთ, გაიმეორებენ თუ არა ჩვენები პირად რეკორდებს, რაც სამომავლო პერსპექტივაში საკმაოდ იმედის მომცემი მაჩვენებლებია. ხვალ გოგოების დუეტი ისვრის, მერე კი უფროსების ჯერიც დადგება - 6 მარტს ცეცხლის ხაზზე ქადაგიძე დადგება, 7-ში კი სალუქვაძე იასპარეზებს.
დასასრულ, შეგახსენებთ, რომ ევროპის ამ ჩემპიონატისთვის მოსამზადებლად ჩვენებმა თებერვალში გერმანიაშიც იასპარეზეს, მიუნხენის დიდ საერთაშორისო ტურნირში, სადაც უფროსებმა საკუთარ შესაძლებლობებზე სუსტად იასპარეზეს, ახალგაზრდებმა კი მედლები ვერ მოიპოვეს, თუმცა ურიგოდაც არ უსვრიათ, თუმცა მაინც მეტი მოეთხოვებათ.
(იბეჭდება მცირე ცვლილებით)
ყოველდღიური სპორტული გაზეთი "ლელო"
