პროფესიონალმა ველომრბოლებმა ახალი სეზონის პირველი სერიოზული სტარტი დაასრულეს. საფრანგეთში შვიდი დღის განმავლობაში მიმდინარეობდა პრესტიჟული ველორბოლა - "პარიზი-ნიცა". საერთო ჩათვლაში გამარჯვება 25 წლის გერმანელმა ტონი მარტინმა მოიპოვა.
ამ ველომრბოლზე უკვე დიდი ხანია იმედს ამყარებენ გერმანიაში, მაგრამ პირველი სერიოზული წარმატება მხოლოდ ახლა მოვიდა. ბევრს ახსოვს ტონის სადებიუტო ტურ დე ფრანსი, როცა ის დიდი ხანი ფლობდა საუკეთესო ახალგაზრდა ველომრბოლის თეთრ მაისურას, კინაღამ მოიგო მთა მონ ვონტუზე ასვლა, ორი მედალი მოიგო მსოფლიოს ჩემპიონატზე დროზე ინდივიდუალურ რბოლაში, შარშან აგვისტოში კი პირველ გამარჯვებას მიაღწია მრავალდღიან რბოლაში.
ბოლო ეტაპზე, ისევე როგორც მთელი კვირის განმავლობაში მარტინმა ეჭვი არავის შეატანინა თავის უპირატესობაში. ტონის მთავარ კონკურენტს, კიდევ ერთ გერმანელ ანდრეას კლოდენს არც კი უცდია შეტევა, რადგან წინასწარ იცოდა, რომ მარტინისთვის ლიდერობის წართმევა შეუძლებელი იქნებოდა.
2000 წელს ანდრეას კლოდენმა თავად მოიგო "პარიზი-ნიცა", ახლა კი ამ რბოლაში გამარჯვება მისმა ახალგაზრდა თანამემამულემ მოიპოვა. როგორც ჩანს, გერმანულ ველოსპორტში უკვე დადგა თაობათა ცვლის პროცესი. მოულოდნელად საერთო ჩათვლაში მესამე ადგილი დაიკავა ბრედლი ვიგინსმა. მოულოდნელად იმიტომ, რომ ის არ გეგმავდა აქ წარმატებას და "პარიზი-ნიცას" უფრო დიდი სტარტებისთვის მზადების ეტაპად განიხილავდა.
ფრანგული რბოლის კიდევ ერთი გმირი გახდა ტომას ფიოკლერი, რომელმაც ორი ეტაპის მოგება შეძლო (მათ შორის ბოლოსი), სულ კი ამ სეზონში ეს სპრინტერი ოთხჯერ მივიდა პირველი ფინიშთან.
საერთო ჩათვლა
1. ტონი მარტინი (გერ, Hთჩ-Hიგჰროდ) 34:03:37
2. ანდრეას კლოდენი (გერ, ღადიოშჰაცკ) +0:36
3. ბრედლი ვიგინსი (ბრიტ, თეამ შკყ) +0:41
4. რეინ ტაარამაე (ესტ, ჩოფიდის) +1:10
5. სამუელ სანჩესი (ესპ, Eუსკალტელ-Eუსკადი) +1:13
6. ჟან-კრისტოფ პერო (საფ, Aგ2რ) +1:24
