ესპანელმა ველომრბოლმა ალბერტო კონტადორმა ორწლიანი დისკვალიფიკაცია მიიღო დოპინგის გამოყენებისთვის. 2010 წელს, ტურ დე ფრანსის მსვლელობისას ესპანელის ორგანიზმში აკრძალული პრეპარატი - კლენბუტეროლი აღმოაჩინეს. ალბერტომ არაერთხელ განაცხადა, რომ არასოდეს გამოუყენებია დოპინგი.2011 წლის იანვარში ესპანეთის ველოსპორტის ფედერაციამ კონტადორი ერთწლიანი დისკვალიფიკაციით დასაჯა, მაგრამ თებერვალში გააუქმა თავისი სასჯელი, რადგან სპორტსმენმა დაასაბუთა, რომ კლენბუტეროლი მის ორგანიზმში უხარისხო ხორცის მიღებით მოხვდა.
ველომრბოლთა საერთაშორისო კავშირმა და მსოფლიოს ანტისადოპინგო სააგენტომ სპორტულ საარბიტრაჟო სასამართლოში გაასაჩივრეს ესპანეთის ფედერაციის გადაწყვეტილება. 2012 წლის 6 თებერვალს სასამართლომ კონტადორს ორწლიანი სასჯელი გამოუტანა.
დისკვალიფიკაცია ძალაში
კონტადორს ტურ დე ფრანსზე 2007, 2009 და 2010 წლებში გაუმარჯვია. ახლა მას ჩამოართმევენ 2010 წელს მოპოვებულ ტიტულს.
გამარჯვებულად გამოცხადდება ლუქსემბურგელი ენდი შლეკი, რუსი დენის მენშოვი მესამედან მეორე ადგილზე გადავა, ბრიტანელი ბრედლი უიგინსი - მეოთხედან მესამეზე.
ყოველდღიური სპორტული გაზეთი "ლელო"
