ინგლისის ქალაქ ედენბრიჯის მცხოვრებლები 5 ნოემბერს "გაი ფოქსის ღამის" ტრადიციული აღნიშვნის დროს დაწვავენ სახელგანთქმული ველომრბოლელის, ლენს არმსტრონგის ფიგურას, რომელმაც დოპინგ-სკანდალის გამო ტურ დე ფრანსის შვიდი ტიტული დაკარგა.ლენსის ცხრამეტრიან ფიგურას ხელში უჭირავს დაფა წარწერით - "ვყიდი ველოსიპედს. მე ის აღარ მჭირდება".
დავამატებთ, რომ დაწვის რიტუალი ამ ზეიმის აუცილებელი ატრიბუტია - ის უკავშირდება 1605 წლის 5 ნოემბერს, მეფე იაკობ I-ის სიტყვით გამოსვლისას ბრიტანეთის პარლამენტის აფეთქების წარუმატებელ მცდელობას.
ამასთან, ყველაზე ხშირად სწორედ გაი ფოქსის ფიგურას წვავენ, რომელსაც უნდა განეხორციელებინა მაშინ შეთქმულთა გეგმები.
ყოველდღიური სპორტული გაზეთი "ლელო"
