ჰოკეის ეროვნული ლიგის ხელმძღვანელობა და კლუბების მფლობელები ეჭვობენ - რამდენად მიზანშეწონილია NHL-ის მოთამაშეების მონაწილეობა 2018 წლის ზამთრის თამაშებზე. ამის შესახებ აცხადებს ინკოგნიტო წყარო, რომელიც კარგად იცნობს სიტუაციას."მოთამაშეებს სურთ კორეაში ოლიმპიადაზე გამგზავრება, მაგრამ ხელმძღვანელობა კატეგორიული წინააღმდეგია", - აცხადებს წყარო.
აღნიშნავენ, რომ ასეთ შემთხვევაში, აშშ-ისა და კანადის ნაკრებები, შესაძლოა, ევროპის ლიგებში მოთამაშე ჰოკეისტებით დაკომპლექტდნენ. "დრო სულ უფრო ცოტა რჩება, ჰოკეის საერთაშორისო ფედერაციას კი ჯერ არ შეუთავაზებია პრობლემის გადაწყვეტის თუნდაც ერთი ვარიანტი, რომელიც ლიგას დააინტერესებდა", - დაამატა ინკოგნიტო წყარომ.
ჰოკეის ეროვნული ლიგის
2018 წელს, ოლიმპიური თამაშები სამხრეთ კორეის ქალაქ პიონჩანგში გაიმართება 9-25 თებერვალს. კანადა ოლიმპიადის მოქმედი ჩემპიონია.
ყოველდღიური სპორტული გაზეთი "ლელო"
