გუშინ ოფიციალურად გამოცხადდა, რომ საფრანგეთის დედაქალაქი პარიზი 2024 წლის ზაფხულის თამაშების მასპინძლობისთვის იბრძოლებს.ფრანგული ქალაქი რიგით მეოთხე კანდიდატი გახდა. უფრო ადრე საერთაშორისო ოლიმპიურ კომიტეტში განაცხადი შეიტანეს: რომმა, ბოსტონმა და ჰამბურგმა.
"გვჯერა, რომ ჩვენი განაცხადი სიხარულს მოუტანს და გააერთიანებს პარიზის მოსახლეობას და მთელ ქვეყანას", - განაცხადა საორგანიზაციო კომიტეტის თავმჯდომარემ, ბერნარ ლაპასემ.
პარიზი 1900 და 1924 წლებში მასპინძლობდა ზაფხულის თამაშებს. გარდა ამისა, წააგო 1992, 2008 და 2012 წლების არჩევნები.
ფრანგულ მხარეს ინფრასტრუქტურის შესაქმნელად 3 მილიარდი ევროს დახარჯვა აქვს დაგეგმილი, სხვა ხარჯებმა 3.2
ელოდებიან, რომ განაცხადების შეტანის ბოლო ვადამდე - 15 სექტემბრამდე მეხუთე კანდიდატი გახდება უნგრეთის დედაქალაქი ბუდაპეშტი.
2024 წლის ზაფხულის თამაშების მასპინძელს 2017 წელს აირჩევენ.
ყოველდღიური სპორტული გაზეთი "ლელო"
