საერთაშორისო ოლიმპიური კომიტეტის სამედიცინო დირექტორმა რიჩარდ ბაჯეტმა განაცხადა, რომ რიო-დე-ჟანეიროს თამაშების წინ, ახალი მეთოდის გამოყენებით ხელმეორედ შეამოწმებენ ლონდონის 2012 წლის ოლიმპიადაზე აღებულ დოპინგ-სინჯებს. მისი სიტყვებით, ყურადღება გამახვილდება იმ სპორტსმენებზე, რომლებიც მომავალ თამაშებზე მედლების კანდიდატები არიან. განსაკუთრებული აქცენტი გაკეთდება რუს, კენიელ და ეთიოპიელ ათლეტებზე.
"რიოს ოლიმპიადის წინ, ლონდონში აღებულ ასობით სინჯს შევამოწმებთ, - ამბობს ბაჯეტი The Times-თან კომენტარში. - ჩვენ მჭიდროდ ვთანამშრომლობთ მსოფლიოს ანტისადოპინგო სააგენტოსთან და უკვე შევათანხმეთ - რომელ ქვეყნებსა და სპორტის სახეობებზე გავამახვილებთ ყურადღებას...
ჩვენ გვინდა შევინარჩუნოთ რაც შეიძლება
პარალელურად, მსოფლიოს ანტისადოპინგო სააგენტოს გენერალურმა დირექტორმა დევიდ ჰოუმენმა ჟურნალისტებს აცნობა, რომ სოჭის 2014 წლის თამაშების ზოგიერთ დოპინგ-სინჯს შეამოწმებენ.
"იმ ინფორმაციის თანახმად, რომელსაც ჩვენ ვფლობთ, ზოგიერთი სინჯი სასწრაფოდ უნდა გადამოწმდეს", - განაცხადა ჰოუმენმა Daily Mail-თან კომენტარში.
ყოველდღიური სპორტული გაზეთი "ლელო"
