სამწუხაროდ, ნინო სალუქვაძემ უმედლოდ დაასრულა გამოსვლა რიო დე ჟანეიროს ოლიმპიადაზე, სპორტული პისტოლეტიდან სროლაში - ნახევარფინალში 14 ქულა დააგროვა და მეექვსე ადგილზე დარჩა. ცალკეულ სერიებში მისი შედეგები ასეთია: 2, 4, 1, 3 და 4 ქულა, რაც საბოლოო წარმატებისთვის არ ეყო.
ოქროს მედლისთვის ბრძოლის უფლება ბერძენმა ანა კორაკაკიმ (19 ქულა) და გერმანელმა მონიკა კარჩმა (18) მოიპოვეს, ბრინჯაოსთვის კი 17-ქულიანები, ჩინელი ჯინჯინ ჭანი და შვეიცარიელი ჰაიდი გერბერ დიჩელმი იასპარეზებენ.
