ბეგი დარჩია: შმაგის ვულოცავ, გუნდით კი მთლიანობაში უკმაყოფილო ვარ...

AutoSharing Option
საქართველოს ბერძნულ-რომაული სტილით მოჭიდავეთა ნაკრების მთავარმა მწვრთნელმა ბეგი დარჩიამ შმაგი ბოლქვაძის მიერ რიოში მიმდინარე ოლიმპიადაზე მოპოვებული ბრინჯაოს მედლის შემდეგ Sportall.ge-სთან მოჭიდავეთა გამოსვლები შეაფასა.

შეგახსენებთ, რომ 16 აგვისტოს, რიო დე ჟანეიროში მიმდინარე ზაფხულის XXXI ოლიმპიურ თამაშებზე, ბერძნულ-რომაულ ჭიდაობაში შმაგი ბოლქვაძემ (66) ბრინჯაოს მედალი მოიპოვა, რითაც საქართველოს ბერძნულ-რომაული სტილით მოჭიდავეთა ნაკრებმა რიოში გამოსვლა 1 ბრინჯაოთი დაასრულა.

- რიო 2016: შმაგი ბოლქვაძემ საქართველოს მესამე მედალი მოუტანა

"პირველ რიგში, შმაგის ვულოცავ ამ მართლაც უდიდეს წარმატებას. მან ოლიმპიადაზე პირველად იჭიდავა და თავისი შესაძლებლობების მაქსიმუმი გამოავლინა.
ნახევარფინალში სულ მცირე დროში 2 გაფრთხილება მისცა მსაჯმა, რომელსაც არ იმსახურებდა, თუმცა ტექნიკური წუნი ნამდვილად გვქონდა.

არც ეს შედეგია ცუდი...

მთლიანობაში კი ვერ ვიქნები კმაყოფილი. ყველა სპორტსმენისგან გაცილებით მეტს ველოდი... სამწუხაროა, რომ ასე მოხდა", - გვითხრა მთავარმა მწვრთნელმა.
მკითხველის კომენტარები / 4 /
საკუთარი თავით არაა უკმაყოფილო ნეტა?
giga
10:21 17-08-2016
0
მადლობა ბიჭებს, თქვენ თავი არ დაგიზოგავთ ქვეყნისა და შემდეგ ტიტულისათვის, გული არ გაიტეხოთ იცოდეთ საქართველო თქვენს გვერდით დგას და მადლობას გიხდით თავდადებისათვის, შმაგი.. შენ განსაკუთრებული მადლობა:)))
დათო
01:49 17-08-2016
0
გააკეთეთ გამოხმაურება
X
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

სიახლეები პოპულარული