ხუთი გუნდი მონაწილეობდა ინდორ ჰოკეიში ქალთა შორის საქართველოს თასის გათამაშებაში, რომელსაც ქუთაისის სპორტის სასახლემ უმასპინძლა. ტურნირის ფავორიტი საქართველოს მოქმედი ჩემპიონი "ქუთაისი" იყო, რომელსაც საქართველოს ჰოკეის ფედერაციის ვიცე-პრეზიდენტი ავთანდილ თევდორაძე წვრთნის. ქუთაისელმა გოგონებმა თასზე აბაშა დაამარცხეს 6:1, ნახევარფინალში კი "ლანჩხუთს" უხვგოლიან შეხვედრაში მოუგეს 7:3 და ფინალის საგზური მოიპოვეს. ქუთაისელთა მეტოქე "ჩოხატაური"-"ბათუმის" ნახევარფინალურმა მატჩმა გამოავლინა, რომელშიც გაცილებით გამოცდილმა გურულებმა ზღვისპირლები 8:3 დაამარცხეს.
თასის ფინალი საინტერესო გამოდგა. ჩოხატაურელებმა ტურნირის მასპინძლებს დიდი წინააღმდეგობა გაუწიეს, მაგრამ ქუთაისელთა ლიდერის თამუნა სუპატაშვილის კარგი თამაშისა და გოლების წყალობით
ტურნირის ბომბარდირი 7 გატანილი ბურთით სწორედ ფინალის გმირი თამუნა სუპატაშვილი გახდა. "ქუთაისი", როგორც საქართველოს ჩემპიონი და თასის მფლობელი დაშვებულია ევროპის საკლუბო ჩემპიონატზე, რომელიც მომავალი წლის 24-26 თებერვალს უელსის დედაქალაქ კარდიფში ჩატარდება. ქუთაისური გუნდის მწვრთნელები და მოთამაშეები იმედოვნებენ, რომ ქალაქის მერია გუნდს საზღვარგარეთული ტურნირისთვის დააფინანსებს და გუნდი დიდ ბრიტანეთში გაემგზავრება.
ბოლოს გაცნობებთ, რომ 22-23 ნოემბერს ქუთაისის სპორტის სასახლეში გაიმართება საქართველოს თასის გათამაშება მამაკაცებს შორის.
ყოველდღიური სპორტული გაზეთი "ლელო"
