ოქტომბრის შუა რიცხვებში ქუთაისს ახალი სპორტული ობიექტი შეემატა. საქართველოს პრეზიდენტის მიხეილ სააკაშვილის მიერ ყინულის მოედნის გახსნის შემდეგ (15ოქტომბერი) ორიოდე თვე გავიდა და უკვე შეიძლება ითქვას, რომ ყინულზე სრიალი ქუთაისელი ბავშვებისა და ახალგაზრდების ერთ-ერთი საყვარელი გასართობი გახდა. ბევრი კი უკვე პროფესიონალ სპორტსმენად ჩამოყალიბებაზე ფიქრობს. აქამდე რიონისპირა ქალაქში ყინულის მოედანი არ არსებობდა და სიახლემ ბევრი დააინტერესა. ახალი ობიექტის ადმინისტრაცია ფიგურული ციგურაობის გაკვეთილებზე მისვლის მსურველებს ვეღარ აუდის და მოედანი სრული დატვირთვით მუშაობს.
ქუთაისის ყინულის სასახლე 600 კვადრატულ მეტრზეა გაშლილი. სპორტულ კომპლექსში ყინულის მოედნის
-ყინულის მოედანი და საციგურაო სპორტი ქუთაისისთვის ახალი ხილია. ეს არის პრეზიდენტის საჩუქარი ჩვენი ქალაქისათვის. ყინულზე სრიალი ჯანმრთელობისთვის ძალიან სასარგებლოა. ამ გზით შესაძლებელია განკურნება ბრონქული ასთმისა და სხვადასხვა ალერგიული დაავადებებისგან. სასრიალოდ იმდენი ბავშვი მოდის, რომ სამოსწავლო ჯგუფების განრიგში ჩასმას ვეღარ ავუდივართ და პერიოდულად გადახარისხება გვიწევს. ვცდილობთ, რომ გული არავის დავწყვიტოთ. ბავშვებთან ერთად საციგურაოდ ზრდასრული ადამიანებიც დადიან და დარბაზი ყოველთვის გადატვირთულია.
-ყინულის მოედანს უფრო გართობის ფუნქცია აქვს თუ აქ პროფესიონალი სპორტსმენების აღზრდა იგეგმება?
- ყინულის მოედანი უპირველესად იმისთვის გაკეთდა, რომ აქ სპორტსმენები აღიზარდნონ. ჩვენი მწვრთნელები დილიდან საღამომდე ავარჯიშებენ სხვადასხვა ასკობრივ ჯგუფებს. ამჟამად ბავშვები ყინულზე სრიალს სწავლობენ და ჩვენი მუშაობაც იქეთკენაა მიმართული, რომ სპორტის ამ სახეობამ ქუთაისში ფეხი მოიკიდოს. მოედანი სამოყვარულოა და თუ წარმატებები გვექნება შემდეგ სტანდარტულზეც უნდა ვიფიქროთ. ასეთი არენა ამჟამად ბათუმშია და ახლა ზუგდიდშიც კეთდება. სამომავლოდ კი ვნახოთ, შესაძლოა ქუთაისშიც ვიხილოთ. ამის სურვილი ყინულის მოედნის გახსნის დღეს ბატონმა მიხეილ სააკაშვილმაც გამოთქვა.
-ამ მოედანზე შესაძლებელია ჰოკეის გუნდების ჩამოყალიბება?
- ჰოკეის სექციის ჩამოყალიბება იდეაში გვაქვს, მაგრამ ამას დრო სჭირდება. მწვრთნელები ასე იოლი მოსაძებნი არ არის. თანაც, ჯერ უნდა გაიზარდოს თაობა, რომელსაც საციგურაო სპორტის ფასი ეცოდინება. ყინულზე თავის შეკავება არ გაუჭირდება და შემდეგ შეიძლება ჰოკეის სექციის ჩამოყალიბებაც.
- ამჟამად ბავშვებთან რამდენი მწვრთნელი მუშაობს?
-თბილისიდან ჩამოიყვანეთ სამი მწვრთნელი თამუნა პაიჭაძე, მზია ჩიტაძე და ნათია ბაქრაძე, რომლებიც პროფესიონალი მოციგურავეები არიან. დიდი ქალაქია და ხალხიც ძალიან დაინტერესდა საციგურაო სპორტით, ამიტომ შესაძლოა მწვრთნელების დამატება დაგვჭირდეს.
-როგორც ვიცით, ყინულის მოედნით სარგებლობა უფასოა.
-ამჟამად ყინულის მოედანი როგორც პატარებისთვს, ასევე დიდებისთვისაც უფასოა. სამოსწავლო ჯგუფები 4-დან 16 წლამდე თუ არა 12 წლამდე მაინც დარჩება უფასო, სამოყვარულო ჯგუფები კი მომავალი წლიდან ფასიანი გახდება.
დიდი ხელშეწყობა გვაქვს ქალაქის თვითმმართველობისგან, რომ არა მათი მონდომება, ეს სპორტული ობიექტი არ გვექნებოდა. როცა თაობა წამოვა და იქიდან ერთი ბავშვიც რომ გამოვიდეს წარმატებული სპორტსმენი, ყურადღება ალბათ, სპორტის სამინისტროდანაც არ მოგვაკლდება.
ყოველდღიური სპორტული გაზეთი "ლელო"
