ქუთაისში სპორტული ინფრასტრუქტურის სრული რეაბილიტაცია დაიწყო. უკვე გარემონტდა ჭიდაობის, ფეხბურთის, ხელბურთის, სტრონგმენების, რაგბის და ფარიკაობის სპორტული სკოლები. მალე დასრულდება ტყვიის მსროლელთათვის ორი დარბაზისა და ადმინისტრაციული ნაწილის სარემონტო სამუშაოები. სპორტული სკოლები ახალი სპორტული ფორმებითა და საოფისე ინვენტარით აღიჭურვა.სპორტული ტრადიციების აღორძინების მიზნით ქუთაისში, ნიკეას ქუჩაზე არსებულ სპორტსკოლაში პანსიონი გაიხსნა, სადაც განსაკუთრებული ნიჭის 50 ახალგაზრდა სპორტსმენს უფასოდ ვარჯიშის, ცხოვრებისა და დასვენების განსაკუთრებული პირობები ექნება. პანსიონში იმერეთის რაიონებიდან ჩამოსული მოზარდები გადამზადდებიან.
სპორტული ინფრასტრუქტურის რეაბილიტაციისთვის 600 ათასი ლარი დაიხარჯება. თანხა ადგილობრივი ბიუჯეტიდან გამოიყო.
სპორტულ
"ქუთაისი განსაკუთრებული სპორტული ტრადიციებით გამოირჩევა. სწორედ ამ ტრადიციების გაგრძელებისა და პერსპექტიული სპორტსმენების წახალისების მიზნით დავაარსეთ პანსიონი. პანსიონის არსებობა საშუალებას იძლევა რეგიონში მოეწყოს სხვა ქვეყნების ნორჩ სპორტსმენთა საწვრთნელი შეკრებები, რაც ხელს შეუწყობს ქუთაისის სპორტულ ცენტრად ჩამოყალიბებას", - განაცხადა გუბერნატორმა.
ყოველდღიური სპორტული გაზეთი "ლელო"
