ინგლისური გუნდის, "ვარინგტონ ვულვსის" მორაგბემ ტრავმის შედეგად, რომელიც სუპერლიგის ფინალში მიიღო, ცალი ტესტიკული დაკარგა.გასაოცარია, მაგრამ მორაგბე თამაშს მაინც აგრძელებდა, როცა შეხვედრის მეორე ტაიმის დასაწყისში სასქესო ორგანო დაიზიანა.
შეხვედრის დასრულების შემდეგ ვუდმა კომენტარებიც გააკეთა და მხოლოდ ამის შემდეგ წავიდა საავადმყოფოში.
საღამოს კი საკუთარ "ტვიტერში" დაწერა:
"მარჯვენა კვერცხი დამიზიანდა. მეორე ტაიმის პირველ წუთებში მუხლით დარტყმა მივიღე და დღეს ამომიკვეთეს.
ამჟამად სახლში მივდივარ. ისეთი შთაბეჭდილება მაქვს, რომ იქ რაღაც დავტოვე".
