12 თებერვალს სპორტისა და ახალგაზრდობის საქმეთა მინისტრი ლევან ყიფიანი და მისი მოადგილეები: ზურაბ აზმაიფარაშვილი, თამაზ თევზაძე და რატი ბრეგაძე სამინისტროში ჟურნალისტებს შეხვდნენ. მინისტრმა და მოადგილეებმა სამინისტროს სამთვიანი მუშაობის ანგარიში წარადგინეს და ჟურნალისტების კითხვებს უპასუხეს.
სპორტისა და ახალგაზრდობის საქმეთა სამინისტრომ, საქართველოს მოსახლეობის წინაშე პასუხისმგებლობისა და ანგარიშვალდებულებიდან გამომდინარე, სამთვიანი საქმიანობის მოკლე ანგარიში წარადგინა:
სპორტის სფერო
ბოლო სამი თვის განმავლობაში სამინისტროს ხელმძღვანელობამ გამართა ინდივიდუალური შეხვედრები ფედერაციის ხელმძღვანელ პირებთან.
გამოიკვეთა არსებული პრობლემები, დაიგეგმა სამინისტროსა და ფედერაციების მომავალი საქმიანობის ძირითადი მიმართულებები, კერძოდ:
* ოლიმპიური მოძრაობის
* ახალგაზრდული ოლიმპიური ფესტივალი "თბილისი - 2015";
* ფეხბურთის სახელმწიფო მხარდაჭერის პროგრამა;
* კალათბურთის სახელმწიფო მხარდაჭერის პროგრამა;
* რაგბის სახელმწიფო მხარდაჭერის პროგრამა;
* სპორტულ სახეობათა განვითარების პროგრამა;
* საქართველოს რეგიონებში ბავშვთა და მოზარდთა მასობრივი სპორტის განვითარების პროგრამა;
* სპორტის ინფრასტრუქტურის რეაბილიტაციის და სპორტული ინვენტარის განახლების პროგრამა;
* ვეტერან სპორტსმენთა და სპორტის მუშაკთა სოციალური დახმარების პროგრამა;
* საქართველოს ეროვნული, ოლიმპიური და ასაკობრივი ნაკრებების წევრთა, მწვრთნელთა, ადმინისტრაციული და საექიმო პერსონალისა და პერსპექტიულ სპორტსმენთა სტიპენდიების პროგრამა;
* ოლიმპიური ჩემპიონების სტიპენდიების პროგრამა.
სამინისტრომ ერთ-ერთ მთავარ პრიორიტეტად დაისახა სპორტსმენთა მომზადების ორგანიზებული და მეთოდური ხელშეწყობა. ამ მიზნით იგეგმება სპორტის აკადემიის აღდგენა.
სპორტის სფეროს ძირითადი მიმართულებების განვითარებისა და რჩევების მიღებისათის შეიქმნა "მრჩეველთა საბჭო", რომელიც დაკომპლექტებულია სპორტის სფეროს ღვაწლმოსილი წარმომადგენლებით.
ახალგაზრდობის საქმეთა სფერო
სამინისტრო აქტიურად მუშაობდა 2013 წლის ახალგაზრდული პროგრამების დაგეგმვაზე.
ახალგაზრდული პოლიტიკის განვითარების პროგრამის ქვეპროგრამებია:
* მოსწავლეთა პროფესიული ორიენტაციის პროგრამა;
* ოკუპირებულ რეგიონებში მცხოვრებ ახალგაზრდებთან ურთიერთობის, განვითარების პროგრამა;
* არასრულწლოვანი პატიმრების რესოციალიზაციის პროგრამა;
* სტუდენტური თვითმმართველობების მხარდაჭერის პროგრამა;
* შეზღუდული შესაძლებლობების მქონე ახალგაზრდების ინტეგრაციის პროგრამა;
* რეგიონებში მცხოვრები ახალგაზრდების განვითარების პროგრამა;
* საზღვარგარეთ მცხოვრები ახალგაზრდა თანამემამულეებთან ურთიერთობების განვითარების პროგრამა;
* საერთაშორისო თანამშრომლობის პროგრამა;
* სამოქალაქო და არაფორმალური განათლების პროგრამა;
* ცხოვრების ჯანსაღი წესის პოპულარიზება და კულტურულ-შემოქმედებით საქმიანობაში ახალგაზრდების ჩართულობის პროგრამა;
* საქართველოში მცხოვრები ეთნიკური უმცირესობების ინტეგრაციის ხელშეწყობის პროგრამა;
იგეგმება ანაკლიის "მომავლის ბანაკის" პროექტის განხორციელება, რომელშიც მონაწილეობას მიიღებენ როგორც საქართველოს, ასევე უცხო ქვეყნის ახალგაზრდები, რაც ქვეყნის კულტურათაშორისი დიალოგის განვითარებას შეუწყობს ხელს. ამასთან, სამინისტროს პრიორიტეტი იქნება "მომავლის ბანაკებში" შეზღუდული შესაძლებლობების მქონე ახალგაზრდების მონაწილეობა.
სამინისტროს მიერ გაწეული და დაგეგმილი სხვა საქმიანობა
სამინისტროს ამოცანაა საზოგადოების მხარდაჭერის გაძლიერება და რეპუტაციის განმტკიცება. გამჭვირვალობისა და ხელმისაწვდომობის მიზნით, მასმედიისა თუ ოფიციალური ვებ-გვერდის (www.msy.gov.ge) საშუალებით სამინისტრო სისტემატურად ავრცელებს ინფორმაციას განხორციელებული და დაგეგმილი საქმიანობის შესახებ.
ამასთან, სამინისტროში ფუნქციონირებს მოქალაქეთა მიღების საათები. დაინტერესებულ პირებს შეუძლიათ როგორც მინისტრთან, ასევე სამინისტროს ხელმძღვანელ პირებთან შეხვედრა. ამ სამი თვის განმავლობაში სამინისტროში 2246 ვიზიტორი იმყოფებოდა.
იცხოვრე სპორტით, დარჩი ახალგაზრდა!
www.msy.gov.ge
