ორი აფეთქება მოხდა 15 აპრილს ბოსტონის სახელგანთქმული მარათონის ფინიშის ხაზთან. დაღუპულთა და დაზარალებულთა შესახებ ცნობები განსხვავებულია. ოფიციალური ინფორმაციით, დაიღუპა ორი ადამიანი და 23 დაიჭრა. გაზეთი "ნიუ იორკ პოსტი" სულ სხვა ცნობას აქვეყნებს - 12 დაღუპული და 50-მდე დაჭრილი.
აფეთქება იმ მომენტიდან სამი საათის შემდეგ მოხდა, როცა პირველმა მარათონელებმა გადაკვეთეს ფინიშის ხაზი.
ინციდენტი ადგილობრივი დროით დაახლოებით 14 საათსა და 45 წუთზე, ზედ ფოტოფინიშის ხაზის გასწვრივ მოხდა. NBC-ის ინფორმაციით, ქალაქის ამ ნაწილში უამრავი ასაფეთქებელი მოწყობილობა აღმოაჩინეს.
Video
აფეთქება ბოსტონის მარათონზე
აფეთქება ბოსტონის მარათონზე
"ბევრი ადამიანი
ინციდენტის ადგილას სასწრაფო მანქანების ეკიპაჟები და პოლიცია მუშაობს. მოწმეები ამბობენ, რომ ქუჩა დასახიჩრებული სხეულებით არის მოფენილი. "ტვიტერის" ერთ-ერთმა მომხმარებელმა დაწერა, რომ ინციდენტის ადგილას ვიღაცის მოგლეჯილი ფეხი ნახა.
აშშ-ის მთავრობას არ გააჩნია მომხდარის შესახებ სრული ინფორმაცია. ნიუ იორკში ანტიტერორისტული განყოფილება სრულ მზადყოფნაშია მოყვანილი.
ბოსტონის მარათონი 117-ედ ჩატარდა. მასში დაახლოებით 24 ათასმა სპორტსმენმა მიიღო მონაწილეობა.
ყოველდღიური სპორტული გაზეთი "ლელო"
