12 აპრილს, ლატვიის დედაქალაქ რიგაში, მოჭადრაკე ქალთა ინდივიდუალურ ევროპის ჩემპიონატში მეორე ტურის შეხვედრები გაიმართა. კვლავ წარმატებით ითამაშა დიდოსტატმა ნანა ძაგნიძემ - უკრაინელი ოლგა ბაბიუ დაამარცხა. ასევე წარმატებით ითამაშეს სალომე მელიამ და მერი არაბიძემ, რომლებმაც, შესაბამისად, ანასტასია პარამზინასა (რუსეთი) და ესე ოზბეის (თურქეთი) გააჩერებინეს საათები.
დაზავდნენ: ნატალია ბუკსა (უკრაინა)-ლელა ჯავახიშვილი, ლილიტ გალოიანი (სომხეთი)-ბელა ხოტენაშვილი, ოლგა ზიმინა (იტალია)-ნინო ხომერიკი, დარია ჩაროჩკინა (რუსეთი)-სოფიო გვეტაძე, ხოლო ნინო ბაციაშვილმა თეთრი ფიგურებით მარინა ბრუნელოსთან (იტალია) წააგო.
ფავორიტთაგან ნახევარ-ნახევარი ქულა დაკარგეს მსოფლიოს ვიცე-ჩემპიონმა ანა მუზიჩუკმა (უკრაინა), ევროპის
ჩემპიონატზე 2-2 ქულით 12 მოჭადრაკე დაწინაურდა. მათ შორისაა ნანა ძაგნიძე, რომელიც დღეს უნგრელ პეტრა პაპს შეხვდება. 1.5-1.5 ქულა მოაგროვეს ჯავახიშვილმა, ხომერიკმა, ხოტენაშვილმა, გვეტაძემ, მელიამ და არაბიძემ, ბაციაშვილს კი 1 ქულა აქვს.
(იბეჭდება მცირე ცვლილებით)
ყოველდღიური სპორტული გაზეთი "ლელო"
