ხანტი-მანსიისკში გრძელდება მოჭადრაკეთა ვაჟთა მსოფლიოს თასის გათამაშება, რომელშიც 128 დიდოსტატი და საერთაშორისო ოსტატი ჩაება. ოთხი რაუნდის შემდეგ შეჯიბრებას მხოლოდ რვა უძლიერესი შემორჩა.მთავარი პრიზისთვის ბრძოლაში მონაწილეობდა გალელი ბაადურ ჯობავა. შეგახსენებთ, რომ მან ზედიზედ ორი მეტოქე დაამარცხა - აზერბაიჯანელი ნამიგ გულიევი (2:0) და პოლონელი რადოსლავ ვოიტაშეკი (1,5:0,5), მესამე წრეში კი რუს დმიტრი იაკოვენკოსთან წააგო (0:2) და ასპარეზობას გამოეთიშა.
თასის გათამაშებაში სენსაციურად მიიწევს წინ უნგრელი ქალბატონი იუდით პოლგარი. ვაჟთა შორის წლევანდელი ევროპის ჩემპიონატის მესამე პრიზიორმა ოთხი მოჭადრაკე მამაკაცი ჩამოაცილა კვარცხლბეკისკენ მიმავალ ბილიკებს:
მესამე წრეში ასეთივე ანგარიშით სძლია ტურნირის რეიტინგფავორიტ სერგეი კარიაკინს (რუსეთი), მეოთხეში კი კიდევ ერთი კუბელი შეიწირა - ლეინერ დომინგესი, საამისოდ მას 8 პარტიის თამაშმა მოუწია. საბოლოოდ 4,5:3,5 გაიმარჯვა და მეოთხედფინალში რუს პიოტრ სვიდლერს დაუპირისპირდება. მე-5 წრეში ასევე ითამაშებენ: რუსლან პინომარიოვი (უკრაინა)-ვუგარ გაშიმოვი (აზერბაიჯანი), ვასილი ივანჩუკი (უკრაინა)-თეიმურ რაჯაბოვი (აზერბაიჯანი), დავიდ ნავარა (ჩეხეთი)-ალექსანდრ გრიშჩუკი (რუსეთი).
ყოველდღიური სპორტული გაზეთი "ლელო"
