ინდონეზიაში მოჭადრაკეთა საერთაშორისო ტურნირზე თბილისელმა დიდოსტატმა სოფიკო გურამიშვილმა გასულ უქმეებზე მონაპოვარს მხოლოდ ნახევარი ქულა შესძინა: მე-4 ტურში იგი ბრაზილიელ დიდოსტატ ალექსანდერ ფიერთან დამარცხდა თეთრი ფიგურებით, გუშინ კი ტამპუბოლონ სადუნს (ინდონეზია) დაუზავდა და ხუთი ტურის შემდეგ 2,5 ქულა აქვს.გათამაშების ცხრილის სათავეში არიან ვლადისლავ ტკაჩიევი (საფრანგეთი) და ოლივერ ბარბოსა (ფილიპინები), რომლებიც გუშინ ყაიმზე შეთანხმდნენ. მათ 4,5-4,5 ქულას მოუყარეს თავი. ასევე, ქულა გაიყვეს მესამე-მეოთხე ადგილებზე მყოფმა სანდრო მარეკომ (არგენტინა) და ვან იუემ (ჩინეთი). სამქულიანთაგან 6 მოჭადრაკემ წარმატებას მიაღწია და ახლა 4-4 ქულით
დღეს გურამიშვილი ჩინელ ძუნ ჩჟაოს დაუპირისპირდება. ლიდერთაგან კი ითამაშებენ: ვან იუე-ვლადისლავ ტკაჩიევი, ოლივერ ბარბოსა-ლი ჩაო, ტიგრან კოტანჯიანი-სოუ ვესლი, სუსანტო მეგარანტო-სანდრო მარეკო, ნგუენ ვან ნიუ-ალექსანდერ ფიერი.
ყოველდღიური სპორტული გაზეთი "ლელო"
