ერთდღიანი შესვენების შემდეგ თბილისის ჭადრაკის სასახლეში განახლდა მოჭადრაკე ვაჟთა ეროვნული ჩემპიონატი, რომელშიც წრიული სისტემით სხვადასხვა ქალაქის 12 წარმომადგენელი ეცილება ერთმანეთს პირველობაში. ექვსი ტურის შემდეგ 5 ქულით დავით ჯოჯუა მეწინავეობდა, მაგრამ 19 ივნისს ასპარეზობის რეიტინგფავორიტ მიხეილ მჭედლიშვილთან თეთრი ფიგურებით 64-ე სვლაზე დამარცხდა და ლიდერობაც დაკარგა.
5.5-5.5 ქულით გაიოზ ნიგალიძე (ზედიზედ სამი პარტია მოიგო, ბოლო ხუთ ტურში კი 4,5 ქულა მოაგროვა) და კონსტანტინე შანავა დაწინაურდნენ, რომლებმაც, შესაბამისად, ლევან ფანცულაია და დავით მაღალაშვილი დაჯაბნეს.
მე-7 ტურის დანარჩენი პარტიები ასე დასრულდა: მერაბ გაგუნაშვილი-გიგა ყუფარაძე
შვიდი ტურის შემდეგ: შანავა, ნიგალიძე - 5.5-5.5, ჯოჯუა, პაიჭაძე - 5-5, მჭედლიშვილი - 4.5, გაგუნაშვილი - 4, ფანცულაია, ყუფარაძე - 3.5, მაღალაშვილი, ლომსაძე - 2.5-2.5, ზარქუა - 0,5, ყალაგაშვილი - 0 ქულა.
20 ივნისს, მე-8 ტურში ითამაშებენ: ყუფარაძე-შანავა, მჭედლიშვილი-მაღალაშვილი, პაიჭაძე-ჯოჯუა, ფანცულაია-ყალაგაშვილი, ზარქუა-ნიგალიძე, გაგუნაშვილი-ლომსაძე.
ყოველდღიური სპორტული გაზეთი "ლელო"
