ჩვენი ქვეყნის რეგიონები ძიუდოში დიდებს შორის საქართველოს ჩემპიონატისათვის ემზადებიან და საამისოდ შესარჩევ პირველობებს მართავენ. ამ დღეებში შიდა ქართლელებმაც შეარჩიეს ქვეყნის უპირველესი შეჯიბრებისთვის ფალავნები. ტატამზე რეგიონის ოთხივე რაიონიდან ასამდე ძიუდოისტმა იჭიდავა. შიდა ქართლს კვოტით შვიდივე წონით კატეგორიაში ოთხ-ოთხი მონაწილის გამოყვანა შეუძლია.
აქაურები, საქართველოს ბოლო ორი წლის ჩემპიონატებით თუ ვიმსჯელებთ განსაკუთრებით კარგად მსუბუქ და საშუალო წონებში გამოიყურებიან. მაგალითად, შარშანწინ 73 კგ-ში, სამივე სინჯის მედლები სწორედ მათ ერგოთ.
შეჯიბრება დაემთხვა ჰოლანდიაში მიმდინარე გრან-პრის გათამაშებას, სადაც პეტერ ზაიზენბახერს გორიდან ნუგზარ ტატალაშვილი (73) და ახალგაზრდებში
60 კგ. პაატა მერებაშვილი, ვაჟა მარგველაშვილი, ლაშა გიუნაშვილი, ნიკა მშვიდობაძე; 66 კგ. ლაშა შავდათუაშვილი, ირაკლი ლომიძე, გიორგი ფერსაშვილი, გოჩა ვარძელაშვილი; 73 კგ. ზვიად ბაზანდარაშვილი, გიორგი პაპუნაშვილი, ნიკა გოგინაშვილი, გიორგი მაზიაშვილ; 81 კგ. დავით კარბელაშვილი, იოსებ ჩილინდრიშვილი, ჯუმბერ გიგაური, პაატა ღვინიაშვილი; 90 კგ. გიორგი ნოზაძე, გიორგი თათარაშვილი, კახა გაზაშვილი, სოსო გუზიტაშვილი; 100 კგ. გიორგი ბოლოთაშვილი, ილია მაჭავარიანი, გიგა თაყაძე, სერგო ბალიაშვილი; +100 კგ. უშანგი კოკაური, გიორგი კარიბოვი, იოსებ კარიბოვი, გიგა გელაშვილი.
გუნდში ყველა გორის ძიუდოს სკოლების აღზრდილია გიუნაშვილის, გაზაშვილის (ორივე-ქარელი) და ნოზაძის (ხაშური) გარდა.
შემადგენლობაში რამდენიმე ისეთი ფალავანიცაა, რომლებიც ჭაბუკთა და ახალგაზრდებს შორის ძიუდოსა და სამბოში ევროპის და მსოფლიოს ჩემპიონატების პრიზიორები და ქართულ ჭიდაობაში დიდებს შორის ქვეყნის ჩემპიონები არიან. შესაბამისად, მთავარ მწვრთნელებს (ანზორ თენაძე, ნიკო ბიბილაშვილი, ქართლოს პავლიაშვილი) შეგირდების შარშანდელზე უკეთ ასპარეზობის იმედი აქვთ. შეგახსენებთ, რომ შარშან შიდა ქართლელებმა ერთი ვერცხლის მედალი მოიპოვეს.
გუნდმა ორშაბათიდან გურამ პაპიტაშვილის სახელობის დარბაზში ათდღიანი მოსამზადებელი შეკრება დაიწყო, რის შემდეგაც ფალავნები ორიოდ დღით დაისვენებენ და 3 - 4 დეკემბერს საქართველოს ჩემპიონატში ჩაებმებიან.
ყოველდღიური სპორტული გაზეთი "ლელო"
