უნგრეთში 25 აპრილს დაწყებულ ევროპის ჩემპიონატში ბრწყინვალედ ჩაება საქართველოს ვაჟ ძიუდოისტთა ნაკრები, რომელმაც სტარტზე 100%-იანი შედეგი აჩვენა - ორივე ქართველმა ოქრო მოიპოვა. კონტინენტის ჩემპიონები ამირან პაპინაშვილი (60) და ლაშა შავდათუაშვილი (66) გახდნენ (იხილეთ ვრცლად).26 აპრილს ჩემპიონატი კვლავაც ორ წონაში ჩატარდება, თუმცა ჩვენგან საქმეში კვარტეტი ჩაებმება - ნუგზარ ტატალაშვილი, ზებედა რეხვიაშვილი (ორივე - 73), ავთანდილ ჭრიკიშვილი, ლევან წიკლაური (81).
ოთხივე მათგანი პირველ წრეში თავისუფალია, მეორეში კი რეხვიაშვილი რუმინელ კოსტელ დანცულეას შეხვდება, ტატალაშვილი - სლოვენიელ ტადეი ცენს, ჭრიკიშვილი - ესტონელ გიორგი ლადოგინს, წიკლაური - სლოვაკ მარიან ბენკოზცკის.
ვფიქრობთ, ოთხივე ჩვენებურს ძალუძს მედლის მოპოვება. მხოლოდ ჭრიკიშვილის მდგომარეობა გვაფიქრებს, რომელსაც ფეხი სტკივა.
ასევე იხილეთ:
ევროპის ჩემპიონატის წილისყრა: ყველაზე ცუდი მოლოდინი გამართლდა
