სამბოს შემდეგ ოლიმპიური გუნდის მთავარი ექიმი ზურაბ კახაბრიშვილი კიდევ ერთ საერთაშორისო სტრუქტურაში აირჩიეს - ევროპის ძიუდოს კავშირის სამედიცინო და ანტიდოპინგური კომისიის წევრიც გახდა."ამ კომისიიდან გამოვიდა ჩვენთვის კარგად ნაცნობი ავსტრიელი პეტერ ზაიზენბახერი და მის ნაცვლად მე ამირჩიეს. ჩემი კანდიდატურა საბერძნეთის, თურქეთის, რუსეთის ფედერაციებმა წარადგინეს.
თურქეთმა დიდი როლი ითამაშა ამ არჩევაში. ამიერიდან მათი გამოძახებით ვივლი საერთაშორისო ტურნირებზე, როგორც დამკვირვებელი, სამედიცინო თუ დოპინგის თემაზე", - გვითხრა კახაბრიშვილმა.
შეგახსენებთ, რომ ის სამბოში ანალოგიური კომისიის თავმჯდომარეა, რაც არა მარტო მისი პირადული, არამედ ქართული ძიუდოსა
აი, რა გვითხრა ამის თაობაზე: "25 დეკემბერს საქართველოს სპორტული მედიცინის ასოციაციის საანგარიშო ყრილობა გაიმართება, სადაც ექიმებსაც დააჯილდოებენ. პარალელურად, დავაყენებ საკითხს ახალი ანტიდოპინგური კოდექსის შესახებ, რომელიც გაისად შევა ძალაში.
მის მიხედვით, 6700 დასახელების წამალი მოხვდება აკრძალულ სიაში. ამასთან, მკაცრდება სასჯელიც და 4-წლიანი დისკვალიფიკაცია შევა ძალაში, ხოლო განმეორებით შემთხვევაში - სამუდამო იქნება. ამიტომ ყველას მივმართავ: აქამდე თუ რამეს ვაკეთებდით, უპირველესად, ქვეყნის გულისთვის, მაგრამ ახალი კოდექსით ვერაფერს გავხდებით.
ეს სინჯები უფრო დიდხანს შეინახება და თან დეკლარაცია თუ არ იქნება სწორად შევსებული, რაც პეტრიაშვილის შემთხვევაში მოხდა, ვერაფერს გავხდებით. ამიტომ ვაფრთხილებ ყველას, ვისაც შეხება აქვს სპორტსმენთა ინდივიდუალურ მზადებასთან, ყველამ დაიჭიროს საქმე ჩვენს ასოციაციასთან, საქართველოს ანტიდოპინგურ ასოციაციასთან, თორემ დიდი საშიშროებაა იმისა, რომ მთლიანად სპორტულ კარიერას შეექმნას საფრთხე. 4 წლით ადამიანის სპორტიდან მოკვეთა სწორედ ამას ნიშნავს და სხვას არაფერს".
იმედია, ქართველი სპორტსმენები და მათი მწვრთნელები გაითვალისწინებენ ამ გაფრთხილებას.
ყოველდღიური სპორტული გაზეთი "ლელო"
![[ირაკლი თავაძე ბუდაპეშტიდან] 6 ნემსი და გმირობის დასანანი დასასრული [VIDEO]](/pictures/image7/39a2211c7186a04912937f35675a987e.jpg "[ირაკლი თავაძე ბუდაპეშტიდან] 6 ნემსი და გმირობის დასანანი დასასრული [VIDEO]")
