9 მაისს, ბაქოში მიმდინარე "დიდი მუზარადზე" საქართველოს ნაკრებს ვერცხლის მედალი უშანგი მარგიანმა (81 კგ) მოუტანა. ქართველი ძიუდოისტი ტურნირის ფინალში გავიდა, სადაც რუს ჰასან ხარმულზაევთან უნდა ეჭიდავა, მაგრამ ტრავმის გამო ეს ვეღარ შეძლო.გადამწყვეტ შეხვედრამდე კი მარგიანმა ჩეხ იარომირ მუსილს, ავსტრიელ მარსელ ოტს, იაპონელ გოკი მარუიამას და გერმანელ დომინიკ რესელს სძლია.
სამწუხაროდ, ტურნირის მეორე საშეჯიბრო დღეს უმედლოდ დარჩნენ სხვა ქართველი ძიუდოისტები. 73 კგ-მდე წონით კატეგორიაში მეოთხედფინალში დამარცხდა ნუგზარ ტატალაშვილი, რომელმაც შემდეგ ვერც სანუგეშო ტურნირში იყოჩაღა და საბოლოოდ მეშვიდე ადგილს დასჯერდა. ამავე
81 კგ-ში პირველივე შეხვედრა წააგო ლაშა ზურაბიანმა, ისევე როგორც ქალთა ტურნირში საქართველოს სახელით მოასპარეზე ესტერ სტამმა (70).
ამრიგად, ბაქოში ქართველი ძიუდოისტების ანგარიშზე ამჟამად ორი მედალია. შეგახსენებთ, რომ ტურნირის პირველ დღეს ბრინჯაოს მედალი 60 კგ-მდე წონით კატეგორიაში ლუხუმ ჩხვიმიანმა მოიპოვა (იხილეთ ვრცლად).
ასევე იხილეთ:
ბაქოს "დიდი მუზარადი": ქართველები მძიმე ბრძოლების მოლოდინში
![ლაშა შავდათუაშვილი პარიზის ოლიმპიადას პირველივე ეტაპიდან გამოეთიშა [VIDEO]](/pictures/image7/cb93a1e514b3c7ec892c920acc8eb158.png "ლაშა შავდათუაშვილი პარიზის ოლიმპიადას პირველივე ეტაპიდან გამოეთიშა [VIDEO]")
![ძიუდოისტების იმედი ოლიმპიადაზე - "ქართველი დარია ბილოდიდი" - ეთერ ასკილაშვილს გორისთვის კიდევ ერთი ოლიმპიური ოქრო სურს [PHOTOS]](/pictures/image7/2f1fb4d91cae2aa552470cf29733179d.jpg "ძიუდოისტების იმედი ოლიმპიადაზე - \"ქართველი დარია ბილოდიდი\" - ეთერ ასკილაშვილს გორისთვის კიდევ ერთი ოლიმპიური ოქრო სურს [PHOTOS]")
