თურქეთის ქალაქ სამსუნში მიმდინარე გრან-პრის მეორე საშეჯიბრო დღეს, პირველის მსგავსად, წარუმატებლად იასპარეზეს ქართველმა ძიუდოისტებმა. ჩვენი ხუთი მონაწილიდან 1/4-ფინალამდე მხოლოდ გიორგი პაპუნაშვილმა (-81) მიაღწია, რომელიც სამხრეთკორეელთა მსოფლიოს ორგზისა და ოლიმპიურ ჩემპიონ ჯაე-ბუმ კიმს ვერ გაუმკლავდა.
სამსუნში სტარტზევე დათმეს თავ-თავიანთი შეხვედრები ზვიად კაპანაძემ, ფრიდონ გიგანმა (ორივე -73), ლევან გუგავამ (-81) და ესტერ სტამმა (ქალები, -70).
ამ დრომდე სამსუნის გრან-პრიზე საქართველოს ნაკრების ანგარიშზე არცერთი მედალია. ტურნირის პირველ დღეს წარუმატებლად ლუხუმ ჩხვიმიანმა (-60) და ბექა შავდათუაშვილმა (-66) იასპარეზეს.
სამსუნის გრან-პრი ხვალ, 3 აპრილს დასრულდება.
ასევე იხილეთ:
სამსუნის გრან-პრი. წილისყრა: ბექა ღვინიაშვილს არ გაუმართლა
