ტიუმენში ჩატარდა "დიდი მუზარადის" ტურნირი ძიუდოში, სადაც ჩვენს ნაკრებს მონაწილეობა არ მიუღია, საქართველოდან მხოლოდ ორი სპორტსმენი გამოდიოდა საკუთარი ხარჯით - თენგიზ პაპოშვილი (73) და ამბროსი კონკროშვილი (+100). სამწუხაროდ, ორივე უმედლოდ დარჩა. თავად ტურნირი ვერ გამოდგა იმ სიძლიერისა, ამ სტატუსს რაც შეეფერება, თუმცა ზედ ოლიმპიადის წინ ეს მოსალოდნელიც იყო - ახლა ყველა წამყვანი ნაკრები, ყველა ძლიერი სპორტსმენი თამაშებისთვის ემზადება, ოთხწლეულის ამ უმნიშვნელოვანეს ტურნირამდე სამი კვირით ადრე კი შეჯიბრებაში გამოსვლით საოლიმპიადო შანსებს არავინ დაასამარებს.
საბოლოოდ ტიუმენში 25 ნაკრების 124 სპორტსმენი ჩავიდა (თან
ჩვენი დუეტიდან უფრო უკეთ პაპოშვილი გამოვიდა, ვინც მეშვიდეზე გავიდა. მან პირველ შეხვედრაში ამოსმულით და გარეფეხით ორჯერ ვაზარიზე დააგდო ლატვიელი ალექსანდრს პეტროვსკი, მაგრამ მერე მეოთხედფინალში მოხსნეს რუსთა მომავალ გამარჯვებულთან, მსოფლიოს ორგზის მესამეპრიზიორ მუსა მოგუშკოვთან. სამწუხაროდ, სანუგეშო წრეში ჩვენებური პირველივე შეხვედრაში დამარცხდა რუსთა კიდევ ერთ ლიდერთან, ევროპის ჩემპიონ ალიმ გადანოვთან, ვინც საბოლოოდ მეშვიდეზე გავიდა.
კონკროშვილი პირველივე შეხვედრაში დამარცხდა რუს ანტონ ბრაჩევთან.
ყოველდღიური სპორტული გაზეთი "ლელო"
