დღეს, 11 ნოემბერს, თელ ავივში 23 წლამდე ძიუდოისტთა ევროპის ჩემპიონატი დაიწყო. ტურნირის პირველ დღეს ასპარეზობაში საქართველოს ოთხი წარმომადგენელი ჩაება - 3 ვაჟი და ერთი გოგონა. სამწუხაროდ, ყველა მათგანი ადრეულ ეტაპებზევე გამოეთიშა მედლებისთვის ბრძოლას.სასტარტო შეხვედრის მოგების შემდეგ, მეორე წრეში დამარცხდნენ თემურ ნოზაძე (-60) და გიგა გიგაური (-73). ნოზაძემ ბელორუს მიკიტა ბარისევიჩს გაფრთხილებით აჯობა, მაგრამ რუსეთის სახელით მოჭიდავე სახავათ გაჯიევთამ შეხვედრა ასევე გაფრთხილებით დათმო. გიგაურმა პირველ წრეში სომეხ არსენ ღაზარიანს სუფთად აჯობა, მასპინძელ დმიტრო რასკინთან კი ვაზარ-იუკოთი წააგო.
ასპარეზობას სტარტზევე გამოეთიშნენ
ევროპის 23-წლამდელთა ჩემპიონატი შაბათს, 12 ნოემბერს დასრულდება. საქართველოს ნაკრებიდან მედლებისთვის ლევან გუგავა, კობა მჭედლიშვილი (ორივე -81), უშანგი მარგიანი, ბექა ღვინიაშვილი (ორივე -90), ლაშა ტაველური (-100) და გურამ თუშიშვილი (+100) იბრძოლებენ.
![ბრწყინვალე იპონი ფინალში - შავდათუაშვილი ზედიზედ მეორედ გახდა პარიზის გრანდ სლემის გამარჯვებული [VIDEO]](/pictures/image7/d023c0b92defb41924027b9d5b059639.jpg "ბრწყინვალე იპონი ფინალში - შავდათუაშვილი ზედიზედ მეორედ გახდა პარიზის გრანდ სლემის გამარჯვებული [VIDEO]")
