თელ ავივში გამართულ 23-წლამდე ძიუდოისტთა ევროპის ჩემპიონატზე, 81 კგ-მდე წონით კატეგორიაში ოქროს მედალი მოიპოვა კობა მჭედლიშვილმა. გადამწყვეტ შეხვედრაში მჭედლიშვილი იტალიელ ანტონიო ესპოზიტოს დაუპირისპირდა, რომელიც ჯერ ვაზარზე დააგდო, შემდეგ კი - იპონზე.
ეს საქართველოს ნაკრების პირველი მედალია ამ ტურნირზე. მოგვიანებით, 90 კგ-მდე წონით კატეგორიაში ოქროს მედლისთვის იბრძოლებს ბექა ღვინიაშვილიც, რომელსაც მეტოქედ ბელარუსი იაჰორ ვარაპაევი ჰყავს.
დღეს ტურნირზე სასტარტო შეხვედრები დათმეს და ბრძოლას ნაადრევად გამოეთიშნენ ლევან გუგავა (-81), უშანგი მარგიანი (-90) და გურამ თუშიშვილი (+100). მხოლოდ ერთი შეხვედრა მოიგო ლაშა ტაველურმა (-100).
![გამარჯვება იპონით - ღვინიაშვილი თელ-ავივის გრანდ სლემზე ოქროს მედლის მფლობელი გახდა [VIDEO]](/pictures/image7/674185ca0ba9da9c1d100a13bb6c137f.jpg "გამარჯვება იპონით - ღვინიაშვილი თელ-ავივის გრანდ სლემზე ოქროს მედლის მფლობელი გახდა [VIDEO]")
![იერუსალიმის მასტერსზე სულამანიძემ ოქროს, მაისურაძემ კი ბრინჯაოს მედალი მოიპოვა [VIDEO]](/pictures/image7/8d60576838d014a8b419dacbead1bc55.jpg "იერუსალიმის მასტერსზე სულამანიძემ ოქროს, მაისურაძემ კი ბრინჯაოს მედალი მოიპოვა [VIDEO]")
