საქართველოს ბერძნულ-რომაული სტილით მოჭიდავეთა ნაკრებმა წარმატებით იასპარეზა უნგრულ სომბათჰეიში დამთავრებულ იმრე პოიაკის მემორიალურ ტურნირში, სადაც 4 მედალი მოიპოვა: 1 ოქრო და 3 ბრინჯაო. ჩემპიონი მძიმეწონოსანი ლევან არაბული გახდა. ამავე წონაში მესამეზე გავიდა ვასილ იმერლიშვილი, კიდევ ორი ბრინჯაო კი ევროპის ჩემპიონმა ზურაბ დათუნაშვილმა (80) და ევროპის ვიცე-ჩემპიონმა რობერტ კობლიაშვილმა (85) მოიპოვეს.
მედლისთვის ნიკა კელასოვმაც (80) იასპარეზა, თუმცა საბოლოოდ მეხუთეზე დარჩა.
(იბეჭდება მცირე ცვლილებით)
ყოველდღიური სპორტული გაზეთი "ლელო"
