6 აგვისტოს, ლონდონის 2012 წლის ზაფხულის ოლიმპიურ თამაშებზე, ბერძნულ-რომაული სტილით მოჭიდავე რევაზ ლაშხმა საქართველოს პირველი ვერცხლის მედალი მოუტანა. 60 კგ წონით კატეგორიაში მოასპარეზე 24 წლის ქართველმა ფალავანმა გადამწყვეტი შეხვედრა ირანელ ომიდ ჰაჯი ნოროოზისთან დათმო.
შეხვედრის პირველი პერიოდის ბედი ჩოქბჯენმა გადაწყვიტა, რომელშიც რეზომ შეუტია, მაგრამ მეტოქეს ვერაფერი მოუხერხა და დამარცხდა.
მეორე პერიოდში ქართველმა ფალავანმა სცადა მდგომარეობის გამოსწორება, მაგრამ ირანელი მედგრად იდგა, ქულის აღებაც შეძლო და საბოლოოდ გაიმარჯვა კიდეც.
რა თქმა უნდა, რევაზ ლაშხის გულშემატკივრებს და მთელ საქართველოს მისგან ოქროს მედალი უფრო
