საქართველოს ბერძნულ-რომაული სტილით მოჭიდავეთა ნაკრებმა კიდევ ორი ლიცენზია მოიპოვა - სტამბოლში მიმდინარე ბოლო სალიცენზიო ტურნირის ფინალში რობერტ კობლიაშვილი (85) გავიდა, რითაც გაინაღდა რიო დე ჟანიროში ასპარეზობის უფლება.ევროპის წლევანდელმა ვიცე-ჩემპიონმა კობლიაშვილმა ფინალამდე სამი შეხვედრა მოიგო - ბრაზილიელ რონისონ ბრანდაო სანტიაგოს სუფთად, 8:0 მოუგო, ლიტველ ლაიმუტის ადომაიტისს 4:1 სძლია, ნახევარფინალში კი ყაზახ დანიელ გაჯიევს 2:1 აჯობა. ის ფინალში გერმანელ დენის კუდლას შეხვდება.
იაკობ ქაჯაიამ თავიდან ორი შეხვედრა წმინდად მოიგო - ბერძენი ქსენოფონ კოუციმპასი ცოტა კი გაუძალიანდა, მაგრამ ჩვენებურმა მაინც 8:0 მოიგო,
სამწუხაროდ, ულიცენზიოდ დავრჩით 59 კილოგრამში, სადაც ევროპის ჩემპიონი, ოლიმპიადის ფინალისტი რევაზ ლაშხი ჭიდაობდა. მან ინდოელ რავინდენ სინგჰს კი მოუგო, მაგრამ დამარცხდა ამერიკელ დევიდ ტილკესთან.
ბერძნულ-რომაული სტილით მოჭიდავეთა ნაკრების ანგარიშზე 5 ლიცენზიაა: 66, 75, 85, 98 და 130 კილოგრამებში.
