საქართველოს ჭიდაობის ფედერაციაში 30 იანვარს, საღამოს, ინციდენტი მოხდა. ფედერაციის ვიცე-პრეზიდენტ თემურ ყაზარაშვილის განცხადებით, მასსა და ფედერაციის პრეზიდენტ ლუკა კურტანიძეს შორის სიტყვიერი დაპირისპირება ფიზიკურ დაპირისპირებაში გადაიზარდა და ლუკა კურტანიძე მას ფიზიკურად გაუსწორდა.
"როგორც კი ლუკა კურტანიძე პრეზიდენტად მოვიდა, ყველა მწვრთნელი გადააყენა, მაგრამ ეს პრეზიდიუმთან უნდა შეთანხმებულიყო და ბრძანებაზე ხელი უნდა მოწერილიყო. მარტო მე მქონდა ხელის მოწერის უფლება.
ეს საკითხი პრეზიდიუმზე არ გაუტანიათ. რატომ არ მოაწერე ხელი ბიჭების გათავისუფლებაზეო?!
მე ვუთხარი, რომ ხელს არ მოვაწერდი, რადგან პრეზიდიუმთან არ არის შეთანხმებული და კანონიერი-მეთქი.
ხელი დამარტყა, წიხლი დამარტყა, მერე წავიქეცი და წიხლიც მომაყოლა. ფიზიკურად გამისწორდა", - აღნიშნა თემურ ყაზარაშვილმა.
ლუკა კურტანიძე ფიზიკურ შეურაცხყოფაში დაადანაშაულა მოჭიდავე რაინდ აბრამიშვილმაც. მისი თქმით, კურტანიძემ იგი წააქცია და სცემა.
აბრამიშვილის ინფორმაციით, თემურ ყაზარაშვილმა მას დაურეკა და "ტიროდა, ხელი დამარტყაო". "კაცი, რომელიც ჩვენ ავირჩიეთ, დღეიდან ფედერაციის პრეზიდენტი აღარ იქნება.
ხვალ 200-300 კაცი იქნება, რაც საჭიროა! იმიტომ, რომ ფედერაციის პრეზიდენტმა პატარა ბავშვებს ანახა და აყურებინა, როგორც სცემა მსოფლიო ჩემპიონი", - აღნიშნა მან.
აბრამიშვილსა და ყაზარაშვილს სახეზე და სხეულზე ფიზიკური დაზიანებები აქვთ, თემურ ყაზარაშვილს კი პალტოც შემოეხა.
ინციდენტის დროს ჭიდაობის ფედერაციის პრეზიდენტის მისაღები ოთახის კარის ჩარჩო ჩამოვარდა.
აღნიშნული ინციდენტის შემდეგ გავრცელდა ინფორმაცია, თითქოს ყაზარაშვილი და აბრამიშვილი ნასვამ მდგომარეობაში იმყოფებოდნენ. თუმცა ეს ფაქტი ალკოჰოლური ტესტის ჩატარების შემდეგ არ დადასტურდა.
Video
ლუკა კურტანიძეს ვეტერანი მოჭიდავეები ფიზიკურ შეურაცხყოფაში ადანაშაულებენ
ლუკა კურტანიძეს ვეტერანი მოჭიდავეები ფიზიკურ შეურაცხყოფაში ადანაშაულებენ
თავად ფედერაციის პრეზიდენტმა ლუკა კურტანიძემ ინციდენტის შემდეგ ფედერაციის შენობა უკომენტაროდ დატოვა. მან ფედერაციაში არსებული "გაუგებრობის ფაქტი" დაადასტურა, თუმცა ფიზიკური დაპირისპირება უარყო.
კურტანიძის თქმით, ყველაფერი დალაგდება.
მოგვიანებით ჭიდაობის ფედერაციის შენობაში სპორტისა და ახალგაზრდულ საქმეთა მინისტრი ლევან ყიფიანი და ოლიმპიური კომიტეტის თავმჯდომარე ლერი ხაბელოვი მივიდნენ. ისინი ჭიდაობის ფედერაციის წარმომადგენლებთან დაახლოებით ორი საათის განმავლობაში დახურულ კარს მიღმა საუბრობდნენ, თუმცა შეხვედრის შემდეგ შენობა უკომენტაროდ დატოვეს.
"ეგ რომ კაცს დაარტყამს, რაღა უნდა მახსოვდეს" - მოჭიდავეები ლუკა კურტანიძესთან დაპირისპირების შესახებ (იხილეთ ვიდეოში)
Video
ეგ რომ კაცს დაარტყამს, რაღა უნდა მახსოვდეს - მოჭიდავეები ლუკა კურტანიძესთან დაპირისპირების შესახებ
ეგ რომ კაცს დაარტყამს, რაღა უნდა მახსოვდეს - მოჭიდავეები ლუკა კურტანიძესთან დაპირისპირების შესახებ
ინტერპრესნიუსი
ასევე იხილეთ:
სპორტის სამინისტრო ჭიდაობის ფედერაციაში მომხდარ ინციდენტს ეხმაურება
რაც შეეხება კურტანიძეს თუ დააშავა უნდა დაისაჯოს აუცილებლად ორონდ იმ რიგით რომ ვინც პირველმა დააშავა ჯერ ისინი უნდა დაისაჯოს.