წლეულს მსოფლიოს პირველობა ჭაბუკ და ახალგაზრდა სამბისტთა შორის 11-14 ოქტომბერს, საბერძნეთის ქალაქ სალონიკში გაიმართება. ამ ასპარეზობამდე ორი თვით ადრე ერევანმა ჭაბუკ სამბისტთა მეოთხე საერთაშორისო ტურნირს უმასპინძლა.
ერევანში საასპარეზოდ გამოვიდნენ: ლიტვის, უკრაინის, რუსეთის, საბერძნეთის, რუმინეთის, საქართველოსა და მასპინძელთა ჭაბუკები. ჩვენებმა აშკარა უპირატესობით აჯობეს დანარჩენებს. მათ ანგარიშზეა 17 მედალი - 7 ოქრო, 4 ვერცხლი და 6 ბრინჯაო.
პირველ ადგილზე გავიდნენ გიორგი მელქუაშვილი (48 კგ), ირაკლი კუპატაძე (52), თორნიკე ჭოველიძე (65), გიგა ნოზაძე (70), ირაკლი გოგია (81), ფრიდონ შარიქაძე (87), და გიორგი ლაზუაშვილი
მეორე საპრიზო ადგილი ხვდათ წილად იოსებ მელაძეს (52), ვარლამ შალიკაშვილს (65), ჯონი ჭითანავას (87) და ზაზა გოჯიაშვილს (+87).
ბრინჯაოს მედლები მოიპოვეს ზურაბ როხვაძემ (48), გოგა ცერცვაძემ (52), გიორგი მეტრეველმა (65), გიორგი გუგულაშვილმა (65), ლევან დიხამინჯიამ (70) და შმაგი დადუნაშვილმა (70).
გაბრიელ ბარჯაძე
ყოველდღიური სპორტული გაზეთი "ლელო"
