12 ნოემბერს, სოფიაში, მსოფლიოს ჩემპიონატზე სამბოში ოქროს მედალი ვახტანგ ჩიდრაშვილმა (57 კგ) მოიპოვა, რომელმაც გადამწყვეტ შეხვედრაში იერბოლატ ბაიბატიროვი დაამარცხა. 25 წლის ქართველმა სამბისტმა ეს ტიტული კარიერაში მეოთხედ მოიგო.დღესვე ვიცე-ჩემპიონი გახდა ლევან ნახუცრიშვილი (74), ხოლო დავით ლორიაშვილი (100) ბრინჯაოს დასჯერდა.
ჯამში ქართველი სამბისტების ანგარიშზე სოფიაში მოპოვებული 2 ოქროს, ერთი ვერხლისა და ორი ბრინჯაოს მედალია. ტურნირის პირველ დღეს ჩემპიონი პაატა ღვინიაშვილი (90) გახდა, ქალთა შეჯიბრში კი ბრინჯაო ნინო ოძელაშვილმა (72) მოიპოვა.
