ოსაკას ბაშოზე ზუსტად ტურნირის მესამედი გაილია, ქართული ტრიოს შედეგი ამ დროისთვის შემაშფოთებელია: პირველად კომუსუბის რანგში მოასპარეზე თეიმურაზ ჯუღელს (გაგამარუ) ჯერ ერთხელაც არ მოუგია, მხოლოდ კინკილა გამარჯვება აქვს აქტივში ლევან გორგაძეს (ტოჩინოშინი), ძურიოს დივიზიონში უარყოფითი ბალანსი (2-3) გაუხდა ლევან ცაგურიას (კოკაი) და იქიდანაც გავარდნის საფრთხე დაემუქრა. 15 მარტს გაგამარუმ დიდ ჩემპიონ ჰაკუჰოსთან წააგო, ხოლო ტოჩინოშინს ბულგარელი ოძეკი კოტოოშუ მოერია. ჩვენებურებს დღესაც ძლიერ მეტოქეებთან ელით ბრძოლები, გაგამარუს წინააღმდეგ კოტოოშუ დადგება, ხოლო ტოჩინოშინს მონღოლი ოძეკი ჰარუმაფუჯი გამოცდის.
V დღე (მნიშვნელოვანი ბრძოლები): ჰაკუჰო-გაგამარუ (სუკუინაგე),
სატურნირო მდგომარეობა
5-0: ჰაკუჰო (იოკოძუნა), კაკურიუ (სეკივაკე), ტაკაიასუ (მაეგაშირა 7)... 1-4: ტოჩინოშინი (მ 3)... 0-5: გაგამარუ (კომუსუბი).
VI დღე (მნიშვნელოვანი წყვილები): ჰაკუჰო-იოშიკაძე, ბარუტო-კიოკუტენჰო, ტოჩინოშინი-ჰარუმაფუჯი, კისენოსატო-ამინიშიკი, გაგამარუ-კოტოოშუ, კოტოშოგიკუ-მიოგირიუ, კაკურიუ-ტოჩიოძანი, ტოჩინოვაკა-ტოიონოშიმა, არანი-ტოკიტენკუ, ჰომაშო-შოჰოზანი. ძურიო: კოკაი-სოტაირიუ.
ყოველდღიური სპორტული გაზეთი "ლელო"
