20 სექტემბერს ტოკიოში ქართული დერბი გაიმართა - ტოჩინოშინი (ლევან გორგაძე) და გაგამარუ (თეიმურაზ ჯუღელი) ერთმანეთს მეოთხედ დაუპირისპირდნენ კარიერაში.კომუსუბის ტიტულის მფლობელი (ამ ტიტულს ლევანი მომავალ თვეში დაკარგავს) ტოჩინოშინი დაჯახებისას მარცხნივ გადახტა და ისე იგდო მეტოქის მავაში ხელთ. ამის შემდეგ მან 212-კილოგრამიანი გაგამარუ დოჰიოს კიდამდე მიიყვანა, იქ კი უვატენაგეს ილეთით წააქცია.
ურთიერთდაპირისპირებებში ანგარიში გათანაბრდა (2:2). ტოჩინოშინისთვის ეს მე-4 გამარჯვება იყო შემოდგომის ბაშოზე. დღეს, 21 სექტემბერს ის ჰომაშოს (5:5 ურთიერთშეხვედრებში) შეხვდება, გაგამარუს მეტოქე კი ოსი არანი (2:2) იქნება.
XII დღე (მნიშვნელოვანი ბრძოლები):
სატურნირო მდგომარეობა
12-0: ჰარუმაფუჯი (ოძეკი)
11-1: ჰაკუჰო (იოკოძუნა)
10-2: კისენოსატო (ოძეკი), კაკურიუ (ოძეკი), ტაკაიასუ (მაეგაშირა 9), კიოკუტენჰო (მ 11)... 4-8:: ტოჩინოშინი (კომუსუბი)... 3-9: გაგამარუ (მ 2).
XIII დღე (მნიშვნელოვანი წყვილები): ჰაკუჰო-კაკურიუ, ჰარუმაფუჯი-კისენოსატო, მიოგირიუ-კიოკუტენჰო, გოეიდო-ამინიშიკი, აოიამა-ტოიოჰიბიკი, ტოჩინოშინი-ჰომაშო, კაისეი-შოჰოზანი, გაგამარუ-არანი, ტაკაიასუ-ტოჩიოძანი.
ყოველდღიური სპორტული გაზეთი "ლელო"
