ტოჩინოშინი (ლევან გორგაძე) დიდ ჩემპიონთან ვერას გახდა - ჰარუმაფუჯიმ ჯერ ყელში წაუჭირა ხელი მას და ცაციათი დოჰიოს კიდემდე მიიყვანა, შემდეგ მავაში მოიგდო ხელთ და იორიკირის ილეთი განახორციელა. ეს ლევანის მე-5 მარცხია ბაშოზე. დღეს მას კიდევ ერთი დიდი ჩემპიონი, ჰაკუჰო ელის.
წააგო გაგამარუმაც (თეიმურაზ ჯუღელი), ვისაც მე-10 მაეგაშირა იკიოიმ აჯობა. ქართველ მძიმეწონოსანს 2-4 ბალანსი აქვს და დღეს მე-12 მაეგაშირა ვაკაკოიუს ხვდება.
კიუშუს ბაშოს ორი დაუმარცხებელი სუმოისტიღა დარჩა - მონღოლი ჰაკუჰო და სეკივაკე გოეიდო.
კიუშუს ბაშო. 11-25 ნოემბერი
VI დღე (მნიშვნელოვანი ბრძოლები):
სატურნირო მდგომარეობა
6-0: ჰაკუჰო (იოკოძუნა), გოეიდო (ოძეკი).
5-1: ჰარუმაფუჯი (ოძეკი), კოტოშოგიკუ (ოძეკი), კოტოოშუ (ოძეკი), ტოიონოშიმა (მაეგაშირა 6), იკიოი (მ 10), იოშიკაძე (მ 10), ვაკანოსატო (მ 12), ჩიოტაირიუ (მ 15)... 2-4: გაგამარუ (მ 7)... 1-5: ტოჩინოშინი (მ 3).
VII დღე (მნიშვნელოვანი წყვილები): ჰაკუჰო-ტოჩინოშინი, ჰარუმაფუჯი-ტაკეკაძე, კოტოშოგიკუ-კაკურიუ, კოტოოშუ-ოკინოუმი, კისენოსატო-მიოგირიუ, გოეიდო-ჰომაშო, ამინიშიკი-ტოჩიოძანი, კაისეი-შოჰოზანი, ტოიოჰიბიკი-ტაკაიასუ, გაგამარუ-ვაკაკოიუ.
(იბეჭდება მცირე ცვლილებით)
ყოველდღიური სპორტული გაზეთი "ლელო"
