ახალი წლის ბაშოს მე-10 დღეზე გამარჯვების შემდეგ ქართველ სუმოისტ ლევან გორგაძეს (ტოჩინოშინი) მიზნამდე ერთი მოგებაღა აშორებს. ჩვენებურს 7-3 ბალანსი აქვს, მე-8 გამარჯვება კი სამომავლოდ რეიტინგში წინსვლას ნიშნავს.
ტოჩინოშინმა ვეტერანი ვაკანოსატო დოჰიოს ცენტრში დააგდო. ლევანის მორიგი მეტოქე ტაკარაფუჯია, რომელმაც უკვე გაინაღდა ბაშოზე დადებითი ბალანსი (8-2). აქამდე ქართველი ერთხელ შეხვდა ტაკარაფუჯის და მოუგო.
თეიმურაზ ჯუღელი (გაგამარუ) კი დამარცხდა. მას ტანდაბალმა ტოიონოშიმამ მიწოლით აჯობა. ჩვენებურს 3-7 ბალანსი აქვს და თუკი იკიოისთანაც წააგებს, რეიტინგში დაქვეითება არ ასცდება.
გაგამარუ იკიოის პირად შეხვედრებში 2:1-ს უგებს.
ბაშოს
ასევე იხილეთ:
ქართველმა სუმოისტებმა მეტოქეები მაყურებლებში მოისროლეს [VIDEO]
