სუმო. ჰაცუ ბაშო. 10-24 იანვარი: ლევან გორგაძის ზედიზედ მესამე გამარჯვება

იანვრის ბაშოზე დასავლეთის კომუსუბი ტოჩინოშინი (ლევან გორგაძე) ზედიზედ მესამე ორთაბრძოლაში გამოვიდა გამარჯვებული. მან პირველ მაეგაშირა შოჰოზანს უვატენაგეს ილეთით აჯობა.

ჯერჯერობით, ლევანი ისევ მძიმე სიტუაციაშია - მას 5-7 ბალანსი აქვს და დარჩენილი სამი შეხვედრაც უნდა მოიგოს. ქართველის მომდევნო მეტოქე კი ბრაზილიელი კაისეია (7:5 ურთიერთშეხვედრებში).

დამარცხდა მე-9 მაეგაშირა გაგამარუ (თეიმურაზ ჯუღელი), ჩვენებურმა ტაკანოივასთან დათმო და ახლა ტაკეკაძეს (10:5 ურთიერთშეხვედრებში) ხვდება.

ბაშოზე კი ერთპიროვნულად ოძეკი კოტოშოგიკუ ლიდერობს, რომელმაც 12-დან 12 ორთაბრძოლა მოიგო. მას 11 მოგებით დიდი ჩემპიონი ჰაკუჰო მიჰყვება.

XII დღე (მნიშვნ. ბრძოლები): კაკურიუ-ტოჩიოძანი (ოშიდაში), კოტოშოგიკუ-ჰარუმაფუჯი (ცუკიოტოში), ჰაკუჰო-გოეიდო (ცუკიოტოში), კისენოსატო-კაისეი (იორიკირი), ტოჩინოშინი-შოჰოზანი (უვატენაგე), ტაკანოივა-გაგამარუ (უვატენაგე).

სატურნირო მდგომარეობა
12-0: კოტოშოგიკუ (ოძეკი)
11-1: ჰაკუჰო (იოკოძუნა)
10-2: ჰარუმაფუჯი (იოკოძუნა), ტოიონოშიმა (მაეგაშირა 7)... 6-6: გაგამარუ (მ 9)... 5-7: ტოჩინოშინი (კომუსუბი).

XIII დღე (მნიშვნ. წყვილები): ჰარუმაფუჯი-კისენოსატო, ჰაკუჰო-კაკურიუ, კოტოშოგიკუ-ტოიონოშიმა, გოეიდო-ტოჩიოძანი, ტოჩინოშინი-კაისეი, გაგამარუ-ტაკეკაძე.