წლის უკანასკნელ ბაშოზე ზედიზედ სამი ორთაბრძოლის მოგების შემდეგ დამარცხდა მე-6 მაეგაშირა ტოჩინოშინი (ლევან გორგაძე), მან სადანოუმისთან იორიკირის ილეთით წააგო. ჩვენებურს 3-3 ბალანსი აქვს და შაბათს მე-8 მაეგაშირა იკიოის ხვდება (5:3 ურთიერთშეხვედრებში).
სამწუხაროდ, კვლავ წააგო მე-16 მაეგაშირა გაგამარუმ (თეიმურაზ ჯუღელი), ვინც ჰოკუტოფუჯისთან ოშიდაშით დამარცხდა. გაგამარუს 2-4 ბალანსი აქვს. შეგახსენებთ, რომ უარყოფითი ბალანსის შემთხვევაში, ის ქვედა დივიზიონში დაქვეითდება. ჩვენებური ამჯერად, სოკოკურაის (7:7) ხვდება.
დღეიდან ბაშოს ერთპიროვნული ლიდერი ჰყავს - დიდი ჩემპიონი კაკურიუ ექვსიდან ექვსი მოგებით.
