საქართველოს თავისუფალი სტილით მოჭიდავეთა ნაკრებმა დაასრულა ასპარეზობა ბუდაპეშტში მსოფლიოს ჩემპიონატზე.ქართველთა აქტივში მხოლოდ ერთი მედალია და ისიც ბრინჯაოს სინჯის - 120 კგ წონით კატეგორიაში გენო პეტრიაშვილმა მე-3 ადგილი აიღო.
თუმცა ქულათა დარიცხვის სისტემით, ჩვენმა ნაკრებმა მე-3 ადგილი დაიკავა.
რუსულ მედიას ჭიდაობის ფედერაციის პრეზიდენტმა ლუკა კურტანიძემ შემდეგი განუცხადა:
"დასანანია, ოლიმპიადაზე მოპოვებული სამი მედლის შემდეგ მსოფლიოს პირველობის მხოლოდ ერთი ბრინჯაოს მედლით დასრულება.
მაგრამ მე ამისგან ტრაგედიას არ შევქმნიდი - პირიქით, მიმაჩნია, რომ გუნდმა კარგად იასპარეზა.
ჩვენ გუნდურ ათვლაში მესამე ადგილი ავიღეთ, თითოეული
რატომ მხოლოდ ერთი მედალი? სადღაც არ გაგვიმართლა, სადღაც დავაკელით ცოტა.
ავიღოთ მაგალითისთვის გენო პეტრიაშვილი, რომელიც, აგერ, ნახავთ, მსოფლიო ლიდერი გახდება მძიმე წონაში. მას უნდა მოეგო ჰაჯიმურატ გაცალოვისთვის, მაგრამ გამოუცდელობის გამო შეცდომა დაუშვა.
გამოცდილმა რუსმა იცოდა, რომ ჭიდაობით გენოს ვერ აჯობებდა და როცა პეტრიაშვილი ილეთს აკეთებდა, გაცალოვმა ის შეცდომაზე დაიჭირა.
დღეს ჩვენ ერთ-ერთი საუკეთესო ნაკრები გვყავს საქართველოს ისტორიაში.
გუნდი ახალგაზრდულია და უახლოეს მომავალში მსოფლიო ლიდერი გახდება.
ბუდაპეშტში ამაში კიდევ ერთხელ დავრწმუნდი.
რომ დავბრუნდებით, დავილაპარაკებთ. სპორტსმენებთან პრეტენზიები არა მაქვს, აი, მწვრთნელებთან - კი.
ოლიმპიური ციკლი მხოლოდ დაიწყო და ყველაფრის გამოსწორება შეიძლება. ჯერ წინ დიდი დროა" - განაცხადა ლუკა კურტანიძემ.
ასევე იხილეთ:
მსოფლიოს ჩემპიონატი: ნაცნობი სცენარი - დავრჩით ბრინჯაოს ამარა
![ირანელებმა პეტრიაშვილს შეუტიეს - ნახეთ, რა გააკეთა 2023 წელს ზარემ, ქართველ სპორტსმენთან მსოფლიო ჩემპიონატის ფინალში გამარჯვების შემდეგ [VIDEO]](/pictures/image7/750fd0b624893064c266d2944d2b72a1.png "ირანელებმა პეტრიაშვილს შეუტიეს - ნახეთ, რა გააკეთა 2023 წელს ზარემ, ქართველ სპორტსმენთან მსოფლიო ჩემპიონატის ფინალში გამარჯვების შემდეგ [VIDEO]")
![პეტრიაშვილი ოლიმპიადის 1/2-ფინალშია! მეტოქე ქართველი იქნება [VIDEO]](/pictures/image7/1b995136bacc050a25c0b97d314a7fc1.jpg "პეტრიაშვილი ოლიმპიადის 1/2-ფინალშია! მეტოქე ქართველი იქნება [VIDEO]")
