ორი დღეა, რაც მოსკოვში ფიგურულ ციგურაობაში მსოფლიოს ჩემპიონატი დაიწყო. რუსეთის დედაქალაქი ტურნირს ტოკიოს ნაცვლად მასპინძლობს. გუშინ შეჯიბრებაში ქართველები ჩაერთნენ - ყინულზე ცეკვებში წინასწარი რაუნდი გაიმართა. 17 წყვილმა თავისუფალი პროგრამა შეასრულა და 10 საუკეთესო მსოფლიოს ჩემპიონატის ძირითად ტურნირში გავიდა. სასიხარულოა, რომ მათ შორის ელისონ რიდისა და ოთარ ჯაფარიძის ქართული დუეტია. 16 წლის რიდი და 23 წლის ჯაფარიძე 70,90 ქულით მე-6 ადგილზე გავიდნენ. მათ წინ კანადური, გერმანული, ლიტვური, ჩინური და უკრაინული წყვილები გაუშვეს, დანარჩენებს კი აჯობეს.
საკვალიფიკაციო რაუნდი 87,22 ქულით კანადელებმა, კეტლინ
ყინულზე ცეკვებში ძირითადი ტურნირი 29 აპრილს დაიწყება, როცა ძირითადში დაშვებული 15 და საკვალიფიკაციოში გამარჯვებული 10 დუეტი მოკლე პროგრამას შეასრულებს. 25-დან 20 გუნდი კი თავისუფალ პროგრამას შეასრულებს და მედლებისთვის იბრძოლებს. შეგახსენებთ, რომ რიდისა და ჯაფარიძის დუეტი შარშანდელ მსოფლიოს ჩემპიონატზე 21-ე იყო, ხოლო ოლიმპიურ თამაშებზე - 22-ე. სხვათა შორის, ძირითად ბადეში არიან იაპონიის სახელით მოასპარეზე კეტი და კრის რიდები, ელისონის და-ძმა.
სხვათა შორის, ვაჟთა წინასწარ რაუნდში ბულგარეთის სახელით მოასპარეზე გიორგი კენჭაძემ 73,72 ქულით უკანასკნელი, 24-ე ადგილი დაიკავა. 29 აპრილს მსოფლიოს ჩემპიონატზე ჩვენი უმთავრესი იმედი ელენე გედევანიშვილიც ჩაერთვება.
