ჯერჯერობით გაურკვეველია ლეგენდარული ფინელი ფორვარდის ტეემუ სელიანეს მომავალი კარიერა. 43 წლის ვეტერანის კლუბი "ანაჰაიმ დაქსი" თავდამსხმელისგან ითხოვს, რაც შეიძლება სწრაფად მიიღოს კარიერის გაგრძელების ან სპორტიდან წასვლის შესახებ გადაწყვეტილება.როგორც წესი, ტეემუ სელიანეს ზაფხულის შუაში მიღებული აქვს კარიერის შესახებ გადაწყვეტილება, მაგრამ 43 წლის ფორვარდი ჯერჯერობით დუმილს ინარჩუნებს.
"მინდა, რომ ტეემუმ "ანაჰაიმში" გააგრძელოს კარიერა, მაგრამ მხოლოდ იმ შემთხვევაში, თუ თავად სურს ამის გაკეთება. თუ ის არ აპირებს კარიერის დასრულებას, ჩვენ უპრობლემოდ გადავწყვეტთ ამ საკითხს. სახელფასო ბიუჯეტში საკმარისი თანხა გვაქვს იმისთვის, რომ მას
გასულ სეზონში სელიანემ 46 მატჩი ჩაატარა რეგულარულ ჩემპიონატში და 24 ქულა (12+12) დააგროვა.
* * *
ცნობილმა ფორვარდმა ზიგმუნდ პალფიმ დაასრულა აქტიური კარიერა. 41 წლის სლოვაკის ბოლო კლუბი იყო "სკალიცა", რომლის რიგებში 39 მატჩი ჩაატარა და 73 ქულა (26+47) დააგროვა. პალფიმ 2006 წელს ასევე მიიღო დიდი სპორტიდან წასვლის გადაწყვეტილება, მაგრამ ერთ სეზონის შემდეგ დაბრუნდა.
პალფი NHL-ში სამი კლუბის - "აილენდერსის", "ლოს ანჯელესისა" და "პიტსბურგის" ღირსებას იცავდა. ოკეანის გაღმა ჩატარებულ 689 მატჩში მის ანგარიშზე 713 ქულა (329+384) ქულა მოდის. მან ოთხჯერ ითამაშა "ყველა ვარსკვლავის მატჩში".
სლოვაკეთის ნაკრებში პალფის 49 მატჩი და 59 ქულა (24+35) დაუგროვდა. ეროვნულ გუნდთან ერთად ის 2002 წელს მსოფლიოს ჩემპიონი გახდა, 2003 წელს კი ბრინჯაოს მედალი მოიპოვა.
ყოველდღიური სპორტული გაზეთი "ლელო"
ასევე იხილეთ:
ტეემუ სელიანე: ჰოკეი ჩემთვის ჰობი გახდა
