ბუდაპეშტში მიმდინარე მსოფლიო ჩემპიონატზე სანდრო ბაზაძე საუკეთესო თექვსმეტ მოფარიკავეს შორის გავიდა.
1/16-ფინალში არგენტინელი დი ტელას ბრწყინვალე სტილში ანგარიშით 15:7 დამარცხების შემდეგ, მან კარიერაში საუკეთესო შედეგი გაიმეორა.
სანდრო მსოფლიო ჩემპიონატებზე ორჯერ, 2013 და 2017 წლებში საუკეთესო 16 მოფარიკავეს შორის იყო და საბოლოოდ, შესაბამისად, მე-16 და მე-12 ადგილებზე გავიდა.
სანდრო მერვედფინალში იტალიელ ლუკა კურატოლის შეხვდება.
ლუკა კურატოლი 24 წლისაა, FIE-რეიტინგში მე-6 ადგილზეა. თბილისში 2017 წელს ევროპის ჩემპიონატებზე ინდივიდუალურ შეჯიბრში ერთი ბრინჯაო აქვს მოპოვებული. იმავე წელს მოიგო პრესტიჟული გრან პრი "მოსკოვის ხმალი".
ურთიერთშეხვედრებში სენიორებში უპირატესობა სანდროს მხარესაა: 2 მოგება, 1 წაგება.
მათი შეხვედრები ყოველთვის განსაკუთრებული დაძაბულობით გამოირჩევა: 2016 წელი - მადრიდის მსოფლიო თასი 15:14. 2017 წელი - ევროპის ჩემპიონატი ნოვი სადი 15:14. 2019 წელი - "მოსკოვის ხმალი" 12:15.
